საქართველოს იუსტიციის სამინისტროს სსიპ „დანაშაულის პრევენციის ცენტრს“ მედიაციის საკითხებში ბელგიელი ექსპერტი, ლეუვენის უნივერსიტეტის კრიმინოლოგიის ფაკულტეტის ხელმძღვანელი  ივო ერცენი სტუმრობს.

სამუშაო ვიზიტი ევროკავშირის პროექტის „სისხლის სამართლის სისტემის  რეფორმის მხარდაჭერა საქართველოში“ ხელშეწყობით  იმართება. ივო ერცენმა დანაშაულის პრევენციის ცენტრის მედიაციის სახლში პრაქტიკოს მედიატორებთან ორდღიანი სამუშაო შეხვედრები გამართა.

ამ შეხვედრებს ასევე დაესწრნენ იუსტიციის სასწავლო ცენტრის, გაეროს ბავშვთა ფონდის „იუნისეფის“ საქართველოს ოფისის და პროექტ „ჰარმონიის“ წარმომადგენლები. სამუშაო ჯგუფის თემა იყო „სასწავლო კურსის მოდულის შედგენა სისხლის სამართლის მედიაციის სფეროში“.

ივო ერცენის ვიზიტის მიზანია მედიაციის  სფეროში ბელგიური მეთოდის გაცნობა და   გამოცდილების გაზიარება. 1-ელ ივნისს კი ბელგიელი ექსპერტი სახელმწიფო უწყებების წარმომადგენლებს იუსტიციის სამინისტროში  შეხვდება.

ამ  შეხვედრის  მიზანია  ზრდასრულ სამართალდამრღვევსა და დაზარალებულს, ასევე პატიმარსა და დაზარალებულს  შორის მედიაციის ბელგიური მოდელის გაცნობა, მათი გამოცდილების გაზიარება და საქართველოში  მედიაციის განვითარების სამომავლო პერსპექტივაზე მსჯელობა.

არასრულწლოვანთა განრიდებისა და მედიაციის პროგრამა საქართველოში 2010 წელს დაიწყო. 2012 წლიდან პროგრამის მენეჯმენტს იუსტიციის სამინისტროს სსიპ „დანაშაულის პრევენციის ცენტრი“ ახორციელებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კრიმინალური დაჯგუფება სისტემატურად ძალავდა ბიზნესმენს ფულს, უარის შემთხვევაში ბიზნესის რეკეტით და ჯანმრთელობის განადგურებით ემუქრებოდნენ

„SARAJISHVILI“-ს, „ASKANELI“-სა და „ASKANELI V.S.O.P“-ის ბრენდების ფალსიფიციას ახდენდნენ საცხოვრებელ სახლში

პენტაგონი: ირანში კონფლიქტში დაღუპული ამერიკელი სამხედროების რიცხვი 19-მდე გაიზარდა

თვეების განმავლობაში მიმდინარე დავის შემდეგ, ტრამპმა დანიასთან და გრენლანდიასთან შეთანხმებას მოაწერა ხელი