„გირჩის“ თავმჯდომარედ იაგო ხვიჩია აირჩიეს.

პარტიის ყრილობა და კენჭისყრა „გირჩის“ ოფისში, მუსიკის და მწვადის შეწვის ფონზე მიმდინარეობდა.  

როგორც პარტიის ახალმა თავმჯდომარემ აღნიშნა, „გირჩის“ გეგმები უცვლელი რჩება.

"გირჩის მომავალი გეგმები არაფრით იცვლება იმის გამო, რომ თავმჯდომარე შეიცვალა. ეს სრულიად ფორმალური ნაწილია, რაზეც ჩვენ ვსაუბრობთ. მე ვრჩები იმად, ვინც ვიყავი, ზურაც იმად რჩება, ვინც იყო. მოდით, გავერთოთ დღევანდელ დღეს. რაც იქნება „გირჩის“ გეგმები, ერთად სხვა დროს შევიმუშავებთ, როდესაც ამის განწყობაზე ვიქნებით“, - განაცხადა ხვიჩიამ.

დღევანდელ ყრილობაზე სარევიზიო კომისიისა და პლიტსაბჭოს შემადგენლობაც აირჩიეს.

"პარტიას სჭირდება პოლიტსაბჭო, რომელიც ასევე ფორმალური სტრუქტურაა და იდეაში აქამდე არაფერში დაგვჭირვებია. პოლიტსაბჭოში, მინიმუმ, ოთხი წევრი უნდა იყოს და წარდგენილები არიან: ვახო მეგრელიშვილი, იაგო ხვიჩია, მარიტა რატიანი და მე. ბოლოს პარტიის თავმჯდომარე ორი თვე ვიყავი, ვადა უკვე გასული მაქვს. არ მგონია, რომ უნდა გადავიქცე ან შალვა ნათელაშვილად ან ვინმე ასეთად. მე აღარ ვიქნები პარტიის თავმჯდომარე. ეს თემა მოხსნილია. ჩემი წინადადება იყო და ყველა დამეთანხმა, რომ ეს მძიმე ტვირთი იაგო ხვიჩიამ ატაროს“, - განაცხადა „გირჩის“ პრეზიდენტობის კანდიდატმა ზურა ჯაფარიძემ.

ავტორი: ,

სოციალური ქსელები

საგარეო გაფართოების ანგარიშზე - ტენდენციურია, მაგრამ დეტალურად შევისწავლით, დიალოგისთვის მზად ვართ

საქართველომ უვიზო მიმოსვლის მხრივ გაცემული რეკომენდაციებიდან თითქმის არცერთი არ შეასრულა - - ევროკომისიის ანგარიში

სამოქალაქო საზოგადოება, მათ შორის ადამიანის უფლებადამცველები რეპრესიულ გარემოში საქმიანობენ - ევროკომისიის ანგარიში

საქართველოში სასამართლო სისტემისა და ფუნდამენტური უფლებების სფეროში ზედიზედ მესამე წელია უკუსვლა ფიქსირდება - ევროკომისიის ანგარიში