საქართველოს ფინანსთა სამინისტროს მომსახურების სააგენტომ აზერბაიჯანის რესპუბლიკის დელეგაციას უმასპინძლა, კერძოდ კი სახელმწიფო კომიტეტის წარმომადგენლებს საკუთრების საკითხებში. აღნიშნული ვიზიტის მიზანს წარმოადგენდა ელექტრონული აუქციონის სისტემის შესწავლა და გამოცდილების გაზიარება - ელექტრონული წესით სახელმწიფო ქონების განკარგვის პროცესში.

მომსახურების სააგენტო უკვე 8 წელია წარმატებულად ახორციელებს ელექტრონული წესით სახელმწიფო საკუთრებაში არსებული ქონების რეალიზაციას უნივერსალური პორტალის eauction.ge-ს მეშვეობით.

„ელექტრონული აუქციონი უნიკალური პროექტია ამიერკავკასიაში და ყველაზე გამჭვირვალე და მოქნილი სისტემაა სახელმწიფო ქონების რეალიზაციისთვის. 2-დღიანი ვიზიტის ფარგლებში, აზერბაიჯანელ სტუმრებს შესაძლებლობა ჰქონდათ გასცნობოდნენ სახელმწიფო ქონების განკარგვის ელექტრონული მოდელის ჩამოყალიბების პროცედურებს, პრაქტიკაში დანერგილ მეთოდებს, მიდგომებს და სამომავლო გეგმებს, მათ მიიღეს შესაბამისი რეკომენდაციები და მონაწილეობდნენ მიმდინარე სამუშაო პროცესებში", -  განაცხადა მომსახურების სააგენტოს გენერალური დირექტორის პირველმა მოადგილემ, ლევან ძნელაძემ.

საკუთრების საკითხებში აზერბაიჯანის რესპუბლიკის სახელმწიფო კომიტეტის წარმომადგენელთა ვიზიტის ფარგლებში, ასევე, გაიმართა შეხვედრები იმ სახელმწიფო უწყებების წარმომადგენლებთან, რომლებიც ელექტრონული წესით ახორციელებენ ქონების რეალიზაციას.

საქართველოს ფინანსთა სამინისტროს მომსახურების სააგენტო და აზერბაიჯანის სახელმწიფო კომიტეტი საკუთრების საკითხებში აქტიურად გეგმავენ სამომავლო თანამშრომლობას.

(NS)

ავტორი: ,

სოციალური ქსელები

ირანი ფარულად ემზადება აშშ-სა და ისრაელის წინააღმდეგ ომის გაფართოებისთვის - The Wall Street Journal

The Telegraph: რუსეთმა ნატოს საზღვრებზე „შაჰიდების“ განსათავსებლად 10 ბაზა ააშენა

კრიშტიანუ რონალდუმ და მისმა მეუღლემ, ჯორჯინამ, ქორწილში დემნა გვასალიას კოსტიუმები ჩაიცვეს

ივანიშვილის მთავრობა ზამთრის ოლიმპიადაზე საქართველოს გუნდს ფულად პრიზებს გადასცემს