საქართველოს ეკონომიკისა და მდგრადი განვითარების სამინისტროს სააგენტოს „აწარმოე საქართველოში“ პროგრამის „გადაიღე საქართველოში“ ფარგლებში, ჩინური მინი-სერიალის გადაღება დაიწყო.

„ნიღაბი” („The Mask”) - ასე ჰქვია მხატვრული ჟანრის ქართულ-ჩინურ კოპროდუქციას, რომელზეც ქართული საპროდიუსერო კომპანია „არსენ პროდაქშენი“ მუშაობს.

სააგენტოს ინფორმაციით, სერიალი დეტექტიური ჟანრის არის, სადაც მთავარ როლში ყოფილი პოლიციის ოფიცერი ჯი ფანია, რომელმაც პატარა ქალაქში მომხდარი რამდენიმე მკვლელობა უნდა გამოიძიოს. საინტერესოა, რომ  მთავარ გმირს, ყველაფრის გამოსააშკარავებლად გამოძიება საქართველომდე მოიყვანს. მოპარული ყელსაბამი, რომელიც ყოფილ პოლიციელს თბილისში ჩამოიყვანს მხოლოდ პატარა ნაწილია იმ დიდი სურათისა, სადაც ჩინური, ვიეტნამური და ქართული კრიმინალური დაჯგუფებები არიან გარეული.

სერიალის გადაღებები, რომელიც მიმდინარე წლის, 23 ივნისს დაიწყება, ორი თვის განმავლობაში გაგრძელდება. გადაღებების პროცესში 200-ზე მეტი ადამიანი დასაქმდება. სერიალის შინაარსის სპეციფიკიდან გამომდინარე, გადაღებებისთვის  ლოკაციები თბილისსა და ბათუმში შეირჩა.

ხვალ, 23 ივნისს, გადაღებები, პარალელურად რამდენიმე ლოკაციაზე დაიწყება, კერძოდ: სამედიცინო დაწესებულებაში „ლანცეტი“, მეტრო სადგური - ტექნიკური უნივერსიტეტი, სასტუმრო „ტერასა“, ავლაბარში, ჯავახიშვილის N13-ის  მიმდებარე ქუჩა, მეტრო  ელექტროდეპოს ხიდის ქვეშ.

შეგახსენებთ, რომ ჩინური მხარე საქართველოში ფილმის გადაღებით პეკინის საერთაშორისო კინოფესტივალის ფარგლებში დაინტერესდა. აღნიშნული ფესტივალი მიმდინარე წლის თებერვალში გაიმართა, სადაც  წარმოდგენილი იყო კინოინდუსტრიის ხელშეწყობის პროგრამის „გადაიღე საქართველოში“ საინფორმაციო სტენდი და ნებისმიერ დაინტერესებულ პირს საშუალება ჰქონდა  ამომწურავი ინფორმაცია მიეღო ე.წ „cashrebate“ მექანიზმის შესახებ.

საქართველო, როგორც კინოგადაღების მოედანი სულ უფრო აქტუალური ხდება და  უცხოელი პროდიუსერების დაინტერესებაც მატულობს. 2016 წლიდან, მსოფლიოს მასშტაბით, სხვადასხვა ქვეყანაში კინოინდუსტრიის წახალისების პროგრამის „გადაიღე საქართველოში“ ხელშეწყობით, საერთაშორისო პრომო-კამპანიები და გაცნობითი ხასიათის პრეზენტაციები იმართება. პროექტის ამოქმედებიდან დღემდე   15 განაცხადი შემოვიდა. აქედან გადაღებები უკვე დასრულდა 9 ფილმზე, დამატებით 6 ფილმზე კი გადაღებები ამჟამად მიმდინარეობს. აღნიშნული 15 ფილმის ინვესტიციის ჯამური მოცულობა 26 მლნ ლარზე მეტია, ხოლო დასაქმებულთა რაოდენობა 2 000-ზე მეტ ადამიანს აღემატება.

(NS)

ავტორი: ,

სოციალური ქსელები

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!

კობახიძე ამტკიცებს, რომ ტრამპს და რუბიოს ესაუბრა

კაცმა ფარულად შეაღწია საცხოვრებელ სახლში, ბლაგვი საგნით და ცივი იარაღით დაზიანებები მიაყენა თანასოფლელ, ხანდაზმულ ქალს, დანაშაულის ადგილს ცეცხლი წაუკიდა და მიიმალა - ქალი ადგილზე გარდაიცვალა