მამუკა ბახტაძე პრემიერ-მინისტრის თანამდებობაზე მუშაობას ოფიციალურად შეუდგა

2018-06-21 16:36:11, 948 ნახვა

პოლიტიკა

საქართველოს პრემიერ-მინისტრი მამუკა ბახტაძე მთავრობის ადმინისტრაციაში მუშაობას ოფიციალურად შეუდგა.

მთავრობის მეთაურმა სამუშაო კაბინეტში მინისტრების დანიშვნის ბრძანებებს ხელი მოაწერა.

ცნობისთვის, პრემიერ-მინისტრი და მთავრობის შემადგენლობა პარლამენტმა გუშინ დაამტკიცა. სამთავრობო გუნდს მხარი 99-მა დეპუტატმა დაუჭირა, 6 კი, წინააღმდეგი იყო.

როგორც ცნობილია, პრემიერ-მინისტრი სამინისტროების რაოდენობას 14-დან 11-მდე ამცირებს. მამუკა ბახტაძე 2-3 კვირაში პარლამენტს მთავრობის სტრუქტურული ცვლილებების პროექტს წარუდგენს. მას შემდეგ, რაც პარლამენტი შესაბამის საკანონმდებლო ცვლილებებს განახორციელებს, მამუკა ბახტაძე საკანონმდებლო ორგანოში ნდობის მოსაპოვებლად კიდევ ერთხელ, მინისტრთა კაბინეტის ახალი შემადგენლობით მივა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები