„ქართული ოცნების“ ოფისში მმართველი გუნდი მთავრობაში დაგეგმილ სტრუქტურულ რეორგანიზაციაზე მსჯელობს

2018-06-21 16:22:50, 841 ნახვა

პოლიტიკა

"ქართული ოცნების" ცენტრალურ ოფისში მმართველი გუნდის სამუშაო შეხვედრა იწყება.

როგორც "ექსპრესნიუსის" კორესპონდენტი ადგილიდან იტყობინება, კონსულტაციები მთავრობაში დაგეგმილ სტრუქტურულ რეორგანიზაციას უკავშირდება.

"კონსულტაციებს გავდივართ სხვადასხვა საკითხებთან მიმართებით. როგორც იცით იგეგმება პარტიის გაძლიერება. აქედან გამომდინარე მნიშვნელოვანია, რომ სამუშაო რეჟიმში გავიაროთ სხვადასხვა საკითხები და არ გამოვრიცხავ მათ შორის კონსულტაციები დაგეგმილ ცვლილებებსაც მოიცავდეს. იცით, რომ უნდა მომზადდეს პაკეტი სხვადასხვა სამინისტროების შერწყმასთან დაკავშირებით და ამას სჭირდება წინასწარი კონსულტაციები", - განაცხადა ადამიანის უფლებათა დაცვის კომიტეტის თავმჯდომარე სოფო კილაძემ.

პარტიის ოფისში მმართველი გუნდის წარმომადგენლები უკვე იკრიბებიან. სამუშაო შეხვედრას "ქართული ოცნების" თავმჯდომარე ბიძინა ივანიშვილი უხელმძღვანელებს.