პარლამენტში დეპუტატებმა სამთავრობო პროგრამა და მთავრობის შემადგენლობისთვის ნდობის გამოცხადების საკითხი განიხილეს.

დილიდან პრემიერ-მინისტრობის და მინისტრობის კანდიდატებს კომიტეტების გაერთიანებულ სხდომებზე უსმენდნენ. წარმოდგენილ შემადგენლობას კომიტეტებმა მხარი დაუჭირეს.

ამის შემდეგ, პრემიერ-მინისტრობის კანდიდატი მამუკა ბახტაძე სამთავრობო გუნდთან ერთად საპარლამენტო უმრავლესობის, უმცირესობის, ფრაქცია „საქართველოს პატრიოტების“ და „ნაციონალური მოძრაობის“ სხდომებზე წარსდგა.

„პატრიოტთა ალიანსს“ ბახტაძისთვის და მინისტრობის კანდიდატებისთვის კითხვები არ დაუსვამს. რაც შეეხება ენმ-ს და „ევროპულ საქართველოს“, აღნიშნული ფრაქციების სხდომებზე მწვავე დებატები გაიმართა. სამთავრობო პროგრამას და მინისტრთა კაბინეტის შემადგენლობას მხარი პარლამენტში წარმოდგენილმა არც ერთმა ოპოზიციურმა პარტიამ არ დაუჭირა. მათი ნაწილი აცხადებდა, რომ დროებითი მთავრობისთვის ნდობის გამოცხადებას არ აპირებენ.

ხვალ 12:00 საათზე, მთავრობისთვის ნდობის გამოცხადების საკითხზე პარლამენტის რიგგარეშე სხდომაზე იმსჯელებენ. სხდომაზე პრემიერ-მინისტრობის კანდიდატი დეპუტატებს სამთავრობო პროგრამას კიდევ ერთხელ გააცნობს, რის შემდეგაც დებატები გაიმართება. მოგვიანებით აღნიშნულ საკითხზე კენჭისყრა გაიმართება.

შეგახსენებთ, მთავრობა პარლამენტის წინაშე ნდობის მოსაპოვებლად თითქმის უცვლელი შემადგენლობით წარდგა. სიაში მინისტრობის მხოლოდ სამი ახალი კანდიდატია - საგარეო საქმეთა მინისტრად დავით ზალკალიანი, ეკონომიკისა და მდგრადი განვითარების მინისტრად გიორგი ჩერქეზიშვილი, ხოლო ფინანსთა მინისტრად ნიკოლოზ გაგუა. სამივე მათგანი მანამდე ამავე უწყებებში მინისტრის მოადგილის თანამდებობებს იკავებდნენ. როგორც პრემიერ-მინისტრობის კანდიდატმა მამუკა ბახტაძემ განაცხადა, სამინისტროების რაოდენობის 14-დან 11-მდე შემცირება იგეგმება, რასაც პარლამენტის მხრიდან საკანონმბდებლო ცვლილებები სჭირდება. სწორედ ამიტომ, მისი განმარტებით, მას შემდეგ, რაც სტრუქტურულ ცვლილებებთან დაკავშირებით პარლამენტი საკნონმდებლო ცვლილებებს განახორციელებს, საკანონმდებლო ორგანოში ნდობის მოსაპოვებლად კიდევ ერთხელ, უკვე განახლებული შემადგენლობით მივა.

ავტორი: ,

სოციალური ქსელები

უკრაინამ ევროკავშირის €90-მილიარდიანი სასესხო პაკეტიდან პირველი €3.2 მილიარდი მიიღო

ნაძალადევის გამგეობა: სკვერში მოზარდებმა ატრაქციონი დააზიანეს, დაშავდა 1 მოზარდი

ისწავლე საზღვარგარეთ საქართველოს ბანკის სტიპენდიით - მოსწავლეებისთვის შექმნილ საერთაშორისო პროგრამაზე მიღება მალე დაიწყება

CPJ: მოვუწოდებთ ოცნებას, შეწყვიტოს ფორმულას წინააღმდეგ სისხლის სამართლის საქმის გამოძიება