საქართველოს იუსტიციის სამინისტროს ეროვნული არქივის საგამოფენო პავილიონში დღეს გამოფენა „ფოტოდღიურები. XX საუკუნის 90-იანები" გაიხსნა.

ექსპოზიცია ეროვნული არქივის გენერალურმა დირექტორმა თეონა იაშვილმა და ღონისძიების კურატორმა, კინორეჟისორმა ნანა ჯანელიძემ გახსნეს.

ფოტოების გადაღების ისტორია თავად ავტორებმა - შახვალად აივაზოვმა, გიორგი ცაგარელმა და ივანე შლამოვმა გაიხსენეს.

ექსპოზიციაზე წარმოდგენილია ეროვნულ არქივში დაცული „საქინფორმის" ფოტოკოლექციისა და კერძო კოლექციების ექსპონატები, რომელიც 80-იანი წლების ბოლოსა და 90-იანი წლების დასაწყისს ასახავს - სამოქალაქო პროეტესტებიდან დამოუკიდებლობის მოპოვებამდე; შეიარაღებული ამბოხიდან სამოქალაქო  და ტერიტორიულ ომებამდე. ფოტოების ავტორები არიან: შახვალად აივაზოვი, გიორგი ცაგარელი, სერგო ედიშერაშვილი, გიორგი შარაშენიძე, იური როსტი, იური მეჩითოვი, ბორის სოკოლოვი, გურამ მგალობლიშვილი, ირაკლი ჭოხონელიძე, ვლადიმერ ვალიშვილი, ივანე შლამოვი, ბონდო დადვაძე, ბოლდო დვალიშვილი და სხვები.  დღეს, როდესაც მეოთხედი საუკუნე გვაშორებს იმ პერიოდს, ფოტოებმა შეიძინეს განსაკუთრებული ისტორიული, ემოციური, ინფორმაციული მნიშვნელობა.

გამოფენის ორგანიზატორია "N&N სტუდია", საქართველოს ეროვნული არქივის მონაწილეობით. ფინანსური მხარდამჭერია თბილისის მუნიციპალიტეტი.

ექსპოზიცია 23 ივნისამდე გაგრძელდება. დათვალიერება თავისუფალია.

(NS)

ავტორი: ,

სოციალური ქსელები

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!

კობახიძე ამტკიცებს, რომ ტრამპს და რუბიოს ესაუბრა

კაცმა ფარულად შეაღწია საცხოვრებელ სახლში, ბლაგვი საგნით და ცივი იარაღით დაზიანებები მიაყენა თანასოფლელ, ხანდაზმულ ქალს, დანაშაულის ადგილს ცეცხლი წაუკიდა და მიიმალა - ქალი ადგილზე გარდაიცვალა