შენების მოძრაობის ლიდერი დავით უსუფაშვილი მმართველ გუნდსა და ბიძინა ივანიშვილს 3 რჩევას აძლევს, რომლის მიხედვითაც  მისი თქმით, ქვეყანა ბევრ მტკივნეულ საკითხზე თავიდან აირიდებს დანაკარგებს. ამის შესახებ უსუფაშვილმა დღეს გამართულ პრესკონფერენციაზე ისაუბრა.

 უსუფაშვილი მიიჩნევს, რომ მმართველი პარტიის ლიდერმა ბიძინა ივანიშვილმა უნდა იტვირთოს პრემიერ-მინისტრობა, როგორც ამას მოითხოვს საპარლამენტო დემოკრატია და რა ვალდებულებაც მან აიღო ქართველი ხალხის წინაშე 2016 წლის საპარლამენტო არჩევნებზე. ა

მით ის მაინც უნდა მოხერხდეს, რომ ქვეყანა ნაკლები დანაკარგებით მივიდეს არჩევნების გზით ხელისუფლების შეცვლამდე. სხვა შემთხვევაში მმართველი გუნდის პოლიტიკური კრიზისი გადაიზრდება მასშტაბურ სახელისუფლებო კრიზისში, რაც მძიმედ დაარტყამს თითოეული მოქალაქის კეთილდღეობას და ქვეყნის უსაფრთხოებას.

მისივე თქმით, სუს-მა უნდა შეწყვიტოს პოლიტიკური პროცესების მართვა და სახელმწიფო ორგანოების ნაცვლად გადაწყვეტილებების მიღება, მათი კონსტიტუციური უფლებამოსილების უხეში შელახვით. სხვა შემთხვევაში ქვეყნის პოლიტიკური და მმართველობითი სისტემა კვლავ პარალიზებული დარჩება.  

დავით უსუფაშვილი მიიჩნევს, რომ უახლოესი საპარლამენტო არჩევნებისთვის დაუყოვნებლივ უნდა იქნეს შემოღებული პროპორციული სისტემა, რათა გაჩნდეს საზოგადოების განწყობების სახელისუფლებო სისტემაში ადეკვატურად ასახვის იმედი და პოლიტიკური პროცესებიც ცივილიზებული გზით წარიმართოს.

მისი თქმით, სხვა შემთხვევაში პრაქტიკულად გარდაუვალია მორიგი რევოლუციური ვითარების მომწიფება, თანამდევი დამანგრეველი შედეგებით.

ავტორი: ,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს