"ევროპული საქართველოს" წევრმი ოთარ კახიძე პარლამენტის დეპუტატებს მოუწოდებს საგამოძიებო კომისიის შექმნასთან დაკავშირებით "პოლიტიკური კინკლაობა" შეწყვიტონ.

როგორც კახიძემ განმარტა, დეპუტატებმა უნდა აიღონ ნაკისრი ვალდებულება და საზოგადოებაში არსებულ კითხვებს უპასუხონ.

"მას შემდეგ, რაც პრაქტიკულად მთელმა საქართველომ შეიტყო ხორავას ქუჩაზე მომხდარი ტრაგედიის შესახებ, გამოვიდა ქუჩაში ათიათასობთ ჩვენი მოქალაქე და გააპროტესტა გამოძიება. დღეს ეს საზოგადოება ელის პარლამენტისგან, არჩეული დეპუტატებისგან ელის პასუხს, რა პასუხს გავცემთ ჩვენ იმ კიტხვებს რომელიც დაგროვდა და შევასრულებთ თუ არა იმ ფუნქციას, რომელიც ჩვენ ხალხმა დაგვაკისრა?! მიმაჩნია, როგორც "ევროპული საქართველოს" წარმომადგენელს, რომ უნდა არსებობდეს რაღაც საკიტხები მაინც რომელი საკითხის განხილვის დროსაც არ დავიწყებთ პოლიტიკურ კინკლაობს. არ დავიწყებთ იმის გარჩევას, ადრე ვინ ვინ დააწინაურა, ადრე არჩევნებზე ვინ რას აკეთებდა, ადრე ვინ რას ლაპარაკობდა და ამის განხილვის გარეშე, ავიღებთ პასუხისმგებლობას, რომელიც დაგვაკისრა ჩვენმა ამომრჩეველმა, კონსტიტუციამ და პარლამენტის რეგლამენტმა. თუ აზრი არ აქვს არაფერს, მაშინ პარლამენტში რისთვის ვსხედვართ გაუგებარია? და თუ აქვს და დიახაც, აქვს აზრი მუშაობას, მაშინ ავიღოთ პასუხისმგებლობა და გავარკვიოთ რეალურად რა მოხდა. "ევროპულმა საქართველომ" თავის თავზე უმძიმესი პასუხისმგებლობა აიღო. ჩვენ ყველაფერს გავაკეთებთ, რომ ბატონმა ზაზამაც და მთელმა საზოგადოებამაც გაიგოს სიმართლე ამ საქმის ირგვლივ. მოგიწოდებთ, რომ შევწყვიტოთ პოლიტიკური კინკლაობა ამ თემაზე", - განაცხადა ოთარ კახიძემ.

ავტორი: ,

სოციალური ქსელები

ნაძალადევის გამგეობა: სკვერში მოზარდებმა ატრაქციონი დააზიანეს, დაშავდა 1 მოზარდი

ისწავლე საზღვარგარეთ საქართველოს ბანკის სტიპენდიით - მოსწავლეებისთვის შექმნილ საერთაშორისო პროგრამაზე მიღება მალე დაიწყება

CPJ: მოვუწოდებთ ოცნებას, შეწყვიტოს ფორმულას წინააღმდეგ სისხლის სამართლის საქმის გამოძიება

პროკურატურამ ფორმულას მიმართ აღძრულ საქმეზე გამოკითხვაზე დავით ქაშიაშვილი დაიბარა