რუსთაველის გამზირზე, პარლამენტის შენობასთან დღეს, 18:00 საათზე აქცია  “ნუ მომკლავ!“-ს ნაცვლად ოპოზიციური პარტიების მიერ დაანონსებული საინფორმაციო მიტინგი გაიმართება, სადაც  ისინი სამოქმედო გეგმის შესახებ ისაუბრებენ.

წუხელ, „ნაციონალურმა მოძრაობამ“ და სხვა ოპოზიციური პოლიტიკური პარტიების წარმომადგენლებმა მომიტინგეებს მიმართს და განაცხადეს, რომ ისინი გაერთიანებული ძალებით აპირებენ სისტემის წინააღმდეგ ბრძოლას.

ზაზა სარალიძეს თქმით, მანამდე 12:00 საათზე შეიკრიბებიან და სამოქმედო გეგმის შესახებ კონსულტაციებს გამართავენ.

ზაზა სარალიძე და ზვიად კუპრავა აქციაზე შეკრებილებს ერთად მიესალმნენ.

„მე გადავწყვიტე უკვე, რომ მომეხმო ყველა პოლიტიკური ძალისთვის და მთელი საქართველოსთვის. მე პირობა დავდე, რომ ნებისმიერ ბერკეტს მივმართავ, რათა სისტემა დანგრეულიყო. ჩვენი შვილების მკვლელები უნდა დაისაჯონ. ყველა პოლიტიკურ პარტიას, საქართველოს ყველა მოქალაქეს მოვუწოდებ, გავერთიანდეთ, რათა ჩამოვამხოთ ეს სისტემა და ეს მოძალადე და მკვლელი მთავრობა," - აღნნიშნა სარალიძემ. 

"ნაციონალური მოძრაობის" ერთ-ერთი ლიდერის ნიკა მელიას თქმით, ამ ქვეყანაში სისტემას ბიძინა ივანიშვილი წარმოადგენს და სწორედ ის უნდა ჩამოშორდეს მართვის სადავეებს.

„შევთანხმდით იმაზე, რომ ვაგრძელებთ ბრძოლას ივანიშვილის რეჟიმის წინააღმდეგ. ივანიშვილი ქვეყანას უნდა მოშორდეს და როდესაც მოშორდება, რეჟიმიც აღარ იარსებებს, სისტემაც აღარ იარსებებს, სამართლიანობა იქნება აღდგენილი და ეს ქვეყანა გააგრძელებს ნორმალურ ცხოვრებას.

ეს არის ახალი ეტაპი, ეს არის მეორე ეტაპი, ეს არის ბრძოლის ახალი ეტაპი, რომელიც პოლიტიკურ პარტიებთან ერთად მივა ბოლომდე“, – განაცხადა ზვიად კუპრავამ.
ბაჩუკი ქარდავას თქმით კი, მთავარი ამოცანა ზაზა სარალიძის მკვლელების დასჯაა.

„ეს ადამიანი მოვიდა, მესმის, რომ მძიმეა პროცესი, როდესაც ამდენ პროვოკაციას უძლებ. ჩვენი მთავარი ამოცანაა, ზაზა სარალიძის შვილის მკვლელები დაისაჯოს. ამიტომ, მოვიდა ეს ადამიანი და ჩვენ ბუნებრივია, მზად ვართ, გვერდით დავუდგებით. ჩვენ ვიდექით, როგორც მოქალაქეები მის გვერდით და მზად ვართ, უფრო მეტიც გავაკეთოთ“, – აღნიშნა ქარდავამ.

ავტორი: ,

სოციალური ქსელები

სამოქალაქო საზოგადოება, მათ შორის ადამიანის უფლებადამცველები რეპრესიულ გარემოში საქმიანობენ - ევროკომისიის ანგარიში

საქართველოში სასამართლო სისტემისა და ფუნდამენტური უფლებების სფეროში ზედიზედ მესამე წელია უკუსვლა ფიქსირდება - ევროკომისიის ანგარიში

ფესვგადგმული ოლიგარქიული გავლენა ხელს უწყობს სახელმწიფოს მიტაცებას და ხელს უშლის დემოკრატიულ კონსოლიდაციას - ევროკომისიის ანგარიში

ჟურნალისტების უსაფრთხოებაზე და მედიის საოპერაციო გარემოზე კვლავ უარყოფითად მოქმედებს დამოუკიდებელი და კრიტიკული მედია საშუალებებისა და ჟურნალისტების წინააღმდეგ შევიწროების, დაშინებისა და თავდასხმების მუდმივი ფაქტები - ევროკომისიის ანგარიში