ჟენევაში გაეროს განყოფილებასა და სხვა საერთაშორისო ორგანიზაციებთან საქართველოს მუდმივმა წარმომადგენელმა ვიქტორ დოლიძემ, სირიის რეჟიმის მიერ საერთაშორისო სამართლის ფუნდამენტური ნორმებისა და პრინციპების უხეში დარღვევით საქართველოს განუყოფელი რეგიონების - აფხაზეთისა და ცხინვალის რეგიონის/სამხრეთ ოსეთის ე.წ. დამოუკიდებლობის აღიარების შესახებ პრესკონფერენცია გამართა.
 
ვიქტორ დოლიძის განცხადებით,  აღნიშნული  ფაქტი წარმოადგენს  აფხაზეთისა და ცხინვალის რეგიონებში არსებული საოკუპაციო რეჟიმების ლეგიტიმაციის მცდელობასა და ადამიანის უფლებების დარღვევების მხარდაჭერას, რომლებიც ხორციელდება აღნიშნულ რეგიონებში წამების, არაადამიანური მოპყრობის, მკვლელობის, გატაცების, თვითნებური დაკავების, საკუთრების უფლების დარღვევის, გადაადგილების თავისუფლების შეზღუდვის და ეთნიკური ნიშნით დისკრიმინაციის სახით.
 
ელჩმა საკუთარ გამოსვლაში აღნიშნა, რომ ასეულობით ათასი ადამიანი მოკლებულია შესაძლებლობას დაუბრუნდეს თავის საცხოვრებელ სახლს, ხოლო ოკუპანტი ძალა და მისი საოკუპაციო რეჟიმები, გაეროს ადამიანის უფლებათა საბჭოს რეზოლუციისა და უმაღლესი კომისრის მრავალჯერადი მცდელობის მიუხედავად, კვლავ არ უშვებენ აღნიშნულ რეგიონებში შესაბამის საერთაშორისო ინსტიტუტებს ადგილზე ვითარების შესაფასებლად.
 
ვიქტორ დოლიძემ ასადის რეჟიმის აღნიშნული ნაბიჯის საპასუხოდ საქართველოს მიერ  სირიასთან დიპლომატიური ურთიერთობების გაწყვეტის გადაწყვეტილების თაობაზე გაამახვილა ყურადღება.
 
ელჩმა დამსწრე საზოგადოებას მიაწოდა ინფორმაცია შერიგებისა და ჩართულობის მიმართულებით საქართველოს ხელისუფლების მიერ გადადგმულ ნაბიჯებზე, რომლებიც მიზნად ისახავს ოკუპირებულ ტერიტორიებზე მცხოვრები საქართველოს მოქალაქეებისთვის ჰუმანიტარული პირობების გაუმჯობესებას, ნდობის აღდგენასა და ჩართულბის გაღრმავებას, ქვეყნის განვითარებით, მათ შორის ევროკავშირთან ინტეგრაციის პროცესით მიღწეული სიკეთეების მათთვის ხელმისაწვდომობის მიზნით.
 
ვიქტორ დოლიძემ  მადლობა გადაუხადა საერთაშორისო თანამეგობრობის წევრებს, საერთაშორისო ორგანიზაციებს, პარტნიორ და მეგობარ ქვეყნებს სწრაფი რეაგირებისთვის, სამართლიანი და მტკიცე განცხადებებისთვის და მოუწოდა მათ ყველა არსებული ფორმატის გამოყენებისკენ, მათ შორის  ჟენევის გაეროს ოფისში. მან იმედი გამოთქვა, რომ  გაეროს ადამიანის უფლებათა საბჭოს საზაფხულო სესიაზე აღნიშნული საკითხი დადგება დღის წესრიგში და აისახება გაეროს ადამიანის უფლებათა უმაღლესი კომისრის მოხსენებასა და მეგობარი ქვეყნების განცხადებებში.
 
სიტყვით გამოსვლის შემდეგ, საქართველოს ელჩმა გაეროს ჟენევის ოფისთან აკრედიტებული პრესის წარმომადგენლების შეკითხებს უპასუხა.

ავტორი: ,

სოციალური ქსელები

სამოქალაქო საზოგადოება, მათ შორის ადამიანის უფლებადამცველები რეპრესიულ გარემოში საქმიანობენ - ევროკომისიის ანგარიში

საქართველოში სასამართლო სისტემისა და ფუნდამენტური უფლებების სფეროში ზედიზედ მესამე წელია უკუსვლა ფიქსირდება - ევროკომისიის ანგარიში

ფესვგადგმული ოლიგარქიული გავლენა ხელს უწყობს სახელმწიფოს მიტაცებას და ხელს უშლის დემოკრატიულ კონსოლიდაციას - ევროკომისიის ანგარიში

ჟურნალისტების უსაფრთხოებაზე და მედიის საოპერაციო გარემოზე კვლავ უარყოფითად მოქმედებს დამოუკიდებელი და კრიტიკული მედია საშუალებებისა და ჟურნალისტების წინააღმდეგ შევიწროების, დაშინებისა და თავდასხმების მუდმივი ფაქტები - ევროკომისიის ანგარიში