ეუთოს საპარლამენტო ასამბლეა სირიის მიერ საქართველოს ოკუპირებული ტერიტორიების - აფხაზეთის და ცხინვალის რეგიონის დამოუკიდებლობის აღიარებას, საერთაშორისო სამართლის ნორმების დარღვევად აფასებს.

ამასთან დაკავშირებით, ეუთოს საპარლამენტო ასამბლეის პრეზიდენტის, გიგი წერეთელის „ტვიტერის“ ოფიციალურ გვერდზე განცხადება გავრცელდა.

„როგორც ეუთოს საპარლამენტო ასამბლეის პრეზიდენტი, ვგმობ სირიის რეჟიმის მიერ საქართველოს ოკუპირებული ტერიტორიების დამოუკიდებელ სახელმწიფოებად აღიარებას. სირიის მხრიდან აღნიშნული ქმედება სრულ წინააღმდეგობაშია ეუთოს საპარლამენტო ასამბლეის მიერ საყოველთაოდ მიღებულ რეზოლუციებთან და დეკლარაციებთან", - აღნიშნულია გიგი წერეთლის ოფიციალურ გვერდზე.

აღსანიშნავია, რომ ეუთოს საპარლამენტო ასამბლეის მიერ მიღებულ არაერთ რეზოლუციაში და ვილნიუსის, სტამბულის და თბილისის დეკლარაციებში, საქართველოს სუვერენიტეტი და საერთაშორისოდ აღიარებულ საზღვრებში, მისი ტერიტორიული მთლიანობა, ცალსახად არის მხარდაჭერილი. საერთაშორისო რეზოლუციებით ასევე მოთხოვნილია რუსეთის ფედერაციას მხრიდან 2008 წლის 12 აგვისტოს ხელშეკრულების შესრულება, აფხაზეთისა და სამხრეთ ოსეთის დამოუკიდებლობის აღიარების უკან წაღება, აღნიშნული ტერიტორიების დეოკუპაცია და დევნილი მოსახლეობის საკუთარ საცხოვრებელ ადგილებში დაბრუნების პროცესის ხელშეწყობა.

ავტორი: ,

სოციალური ქსელები

სამოქალაქო საზოგადოება, მათ შორის ადამიანის უფლებადამცველები რეპრესიულ გარემოში საქმიანობენ - ევროკომისიის ანგარიში

საქართველოში სასამართლო სისტემისა და ფუნდამენტური უფლებების სფეროში ზედიზედ მესამე წელია უკუსვლა ფიქსირდება - ევროკომისიის ანგარიში

ფესვგადგმული ოლიგარქიული გავლენა ხელს უწყობს სახელმწიფოს მიტაცებას და ხელს უშლის დემოკრატიულ კონსოლიდაციას - ევროკომისიის ანგარიში

ჟურნალისტების უსაფრთხოებაზე და მედიის საოპერაციო გარემოზე კვლავ უარყოფითად მოქმედებს დამოუკიდებელი და კრიტიკული მედია საშუალებებისა და ჟურნალისტების წინააღმდეგ შევიწროების, დაშინებისა და თავდასხმების მუდმივი ფაქტები - ევროკომისიის ანგარიში