„დღეს კიდევ ერთხელ დავრწმუნდით, რომ ჩვენი სახელმწიფო არის ძლიერი და აუცილებლად გაგრძელდება ჩვენი ქვეყნის განვითარება",- ამის შესახებ საქართველოს პარლამენტის თავმჯდომარე ირაკლი კობახიძემ საქართველოს პირველი დემოკრატიული რესპუბლიკის დაარსების 100 წლის იუბილისადმი მიძღვნილ საზეიმო მიღებაზე განაცხადა.

პარლამენტის თავმჯდომარემ შეკრებილებს დღევანდელი დღე კიდევ ერთხელ მიულოცა.

„ჩვენთვის დღევანდელი დღე  ძალიან ემოციური იყო. დღეს კიდევ ერთხელ დავრწმუნდით, რომ ჩვენი სახელმწიფო არის ძლიერი და ჩვენი ქვეყნის განვითარება აუცილებლად გაგრძელდება. ჩვენი სახელმწიფო იქნება ძლიერი და ჩვენს წინაშე დასახული ყველა მიზანი აუცილებლად იქნება მიღწეული ჩვენი მეგობრების მხარდაჭერით",- განაცხადა ირაკლი კობახიძემ.

დამსწრეებს მიმართეს საქართველოს პრეზიდენტმა გიორგი მარგველაშვილმა და პრემიერ მინისტრმა გიორგი კვირიკაშვილმა.

საზეიმო მიღებას საქართველოს საკანონმდებლო და აღმასრულებელი ხელისუფლების წარმომადგენლები, უმაღლესი რანგის სტუმრები, „ქართული ოცნება-დემოკრატიული საქართველოს" თავმჯდომარე ბიძინა ივანიშვილი,  საქართველოს მართლმადიდებელი ეკლესიისა და სხვადასხვა რელიგიური კონფესიების, დიპლომატიური კორპუსის, საქართველოს ისტორიული დიასპორის, უცხოეთში ქართული სათვისტომოებისა და  საზოგადოების წარმომადგენლები დაესწრნენ.

საქართველო 26 მაისს პირველი დემოკრატიული რესპუბლიკის დაარსებიდან 100 წლის იუბილეს აღნიშნავს. საზეიმო ღონისძიებებში მონაწილეობის მისაღებად, საქართველოს ევროკომისიისა და 6 ქვეყნის პრეზიდენტი,  ასევე, 20-მდე უმაღლესი რანგის დელეგაცია ეწვია. 

​ 

ავტორი: ,

სოციალური ქსელები

სამოქალაქო საზოგადოება, მათ შორის ადამიანის უფლებადამცველები რეპრესიულ გარემოში საქმიანობენ - ევროკომისიის ანგარიში

საქართველოში სასამართლო სისტემისა და ფუნდამენტური უფლებების სფეროში ზედიზედ მესამე წელია უკუსვლა ფიქსირდება - ევროკომისიის ანგარიში

ფესვგადგმული ოლიგარქიული გავლენა ხელს უწყობს სახელმწიფოს მიტაცებას და ხელს უშლის დემოკრატიულ კონსოლიდაციას - ევროკომისიის ანგარიში

ჟურნალისტების უსაფრთხოებაზე და მედიის საოპერაციო გარემოზე კვლავ უარყოფითად მოქმედებს დამოუკიდებელი და კრიტიკული მედია საშუალებებისა და ჟურნალისტების წინააღმდეგ შევიწროების, დაშინებისა და თავდასხმების მუდმივი ფაქტები - ევროკომისიის ანგარიში