საპარლამენტო უმრავლესობის წევრის შოთა ხაბარელის განცხადებით, ძიუდოისტების პროტესტი ფედერაციის პრეზიდენტის, დავით ქევხიშვილის მიერ პროფესიონალი მწვრთნელების გადაყენებას უკავშირდება.

ხაბარელი მიიჩნევს, რომ ქევხიშვილი დაკავებული თანამდებობიდან უნდა გადადგეს.

„იყვნენ წარმატებული მწვრთნელები და ისინი გადააყენეს. შემდეგ მოვიდნენ სრულიად ამ სფეროში არაკომპეტენტური მწვრთნელები. შედეგიც დადგა ეს. ზუსტად ამას აპროტესტებენ ბიჭები, წარმატებული მწვრთნელების გადაყენებამ მოიტანა ზუსტად ეს შედეგი. აქედან გამომდინარე, ვისი ბრალეულობაც გამოიკვეთა, იმ ბრალეულობაზე ფიქრობენ, რომ პრეზიდენტი უნდა გადადგეს, მეც ვფიქრობ, პრეზიდენტმა არასწორი გადაწყვეტილება მიიღო იმით, რომ მან გადააყენა წარმატებული მწვრთნელები და მოიყვანა თავისი მეგობრები. ეს არის ყველაზე მტკივნეული და ყველაზე ცუდი, რაც მივიღეთ ჩვენ და ბიჭებიც ამას ამბობენ. ჩვენ მოგვაცილეს ის მწვრთნელები, რომლებითაც ვიყავით კარგად, ვიღებდით შედეგებს, მოვიდა ახალი მწვრთნელების შემადგენლობა, და იმის შემდეგ წავიდა შედეგი უკან. მეც ვიფქრობ, როდესაც ხდება წარმატებული მწვრთნელების გადაყენება და ამის შემოქმედი არის პრეზიდენტი, ის უნდა გადადგეს”, - განაცხადა შოთა ხაბარელმა.

ცნობისთვის, საქართველოს ძიუდოს ფედერაციასთან საპროტესტო აქცია მიმდინარეობს. ცოტა ხნის წინ ძიუდოს ნაკრების წევრთა ნაწილმა დავით ქევხიშვილის კაბინეტი აჭედეს და მისი სკამი გარეთ, ნაგვის ურნასთან გაიტანეს. 

ავტორი: ,

სოციალური ქსელები

გერმანიაში დაზიანებული სადენების გამო, დიდ ქალაქებს შორის რკინიგზის მოძრაობა შეფერხდა

საქართველოს ეროვნულ ნაკრებს რამაზ სვანაძე უხელმძღვანელებს

ვილი სანიოლიმ ნაკრების მთავარი მწვრთნელის პოსტი დატოვა

ივანიშვილის რეჟიმმა ქვეყნიდან სომხეთში გააძევა ბელორუსელი ოპოზიციონერი რომელიც თავშესაფარს 5 წელი ელოდა