პარლამენტის ჯანდაცვის კომიტეტის თავმჯდომარე აკაკი ზოიძე ნარკოპოლიტიკის ლიბერალიზაციას ერთ-ერთ მნიშვნელოვან და საკვანძო საკითხს უწოდებს.

როგორც მან აღნიშნა, ხვალ საპარლამენტო უმრავლესობის სხდომა გაიმართება, სადაც ერთ-ერთი განსახილველი საკითხი ნარკოპოლიტიკა იქნება.

 „ოდენობების და საკანონმდებლო ნორმები როგორ იქნება, ვადები როგორ იქნება, საუბარია იმაზე, რომ გაჰუმანურება რომ მოხდება, რამდენი ხანი უნდა იყოს ეს შუალედური მოდელი, მანამ სანამ გადაწყვეტილებას არ მივიღებთ, რომ საბოლოოდ გავაუქმოთ სისხლის სამართლის პასუხისმგებლობა. ამ თემებზე არის საუბარი და ეს თემები უმრავლესობის ყველა წევრის ჩართვის და კონსენსუსის გარეშე შეუძლებელია მივიღოთ, იმიტომ რომ საზოგადოებისთვის ძალიან აქტიური თემებია“, - განაცხადა ზოიძემ.

რაც შეეხება შეკითხვას, დაესწრება თუ არა შეხვედრას ბიძინა ივანიშვილი, ზოიძემ აღნიშნა, რომ მისი ინფორმაციით, დაესწრება.

„ეს ერთ-ერთი საკვანძო თემაა, რომელზეც პარტიამ, პარლამენტმა, მთლიანად უმრავლესობამ, გუნდმა, აღმასრულებელმა ხელისუფლებამ, ერთად უნდა მიიღოს გადაწვეტილება. ამ პროცესში ჩართული უნდა იყოს ყველა ის ადამიანი და პირველ რიგში რა თქმა უნდა, ბატონი ბიძინა ივანიშვილი, რომელიც გახლავთ ასევე ამ პარტიის თავმჯდომარე“, - განაცხადა აკაკი ზოიძემ.

ავტორი: ,

სოციალური ქსელები

საქართველოში სასამართლო სისტემისა და ფუნდამენტური უფლებების სფეროში ზედიზედ მესამე წელია უკუსვლა ფიქსირდება - ევროკომისიის ანგარიში

ფესვგადგმული ოლიგარქიული გავლენა ხელს უწყობს სახელმწიფოს მიტაცებას და ხელს უშლის დემოკრატიულ კონსოლიდაციას - ევროკომისიის ანგარიში

ჟურნალისტების უსაფრთხოებაზე და მედიის საოპერაციო გარემოზე კვლავ უარყოფითად მოქმედებს დამოუკიდებელი და კრიტიკული მედია საშუალებებისა და ჟურნალისტების წინააღმდეგ შევიწროების, დაშინებისა და თავდასხმების მუდმივი ფაქტები - ევროკომისიის ანგარიში

ოპოზიციის ლიდერების უმეტესობა ამჟამად ან სისხლის სამართლის ბრალდებების წინაშე დგას, ან ემიგრაციაში იმყოფება, ან ციხეშია - ევროკომისიის ანგარიში