საზაფხულო ბაღებში ბავშვების ჩარიცხვისთვის რეგისტრაცია მაისში დაიწყება. მსურველები რეგისტრაციის გავლას  ელექტრონულად, სააგენტოს ვებგვერდზე www.kids.org.ge შეძლებენ. 

საზაფხულო ბაღში ჩაირიცხებიან 2-დან 6 წლამდე ასაკის ბავშვები, მათ შორის ისინიც, ვინც არ არიან საჯარო ბაგა-ბაღების აღსაზრდელები. რეგისტრაცია  თავისუფალი ადგილების შევსებამდე გაგრძელდება. ჯამში, საზაფხულო ბაღებში 13 000 აღსაზრდელის მიღება იქნება შესაძლებელი.  

თბილისის ბაგა-ბაღებში 2018-2019 სააღმზრდელო წელი 29 ივნისს დასრულდება, თუმცა, ივლისის თვის  განმავლობაში დედაქალაქში 40 საზაფხულო ბაღი იმუშავებს. 

„საზაფხულო ბაღები წარმოადგენს თბილისის მერიისა და ბაგა-ბაღების მართვის სააგენტოს ერთობლივ სოციალურ პროექტს. მისი მიზანია, რომ ოჯახებს, რომლებიც ივლისის თვეში ვერ გადიან ქალაქგარეთ, მიეცეთ საშუალება, ისარგებლონ ჩვენი მომსახურებით,“ - განმარტავს ბაგა-ბაღების მართვის სააგენტოს ხელმძღვანელი კახაბერ გვანცელაძე.

საზაფხულო ბაღებში რეგისტრაციის თარიღი და ბაღების ჩამონათვალი 18 მაისს გახდება ცნობილი.

(NS)

ავტორი: ,

სოციალური ქსელები

ტრამპმა პირობა დადო, რომ ჰორმუზის სრუტეს აშშ-ის ტერიტორიად გამოაცხადებდა

უკრაინამ „ფლამინგოს“ ტიპის რაკეტა დაარტყა სამარის კოსმოსურ ცენტრს, რომელიც რუსული Starlink-ის ეკვივალენტისთვის რაკეტებს აწარმოებს

სუს-მა დიდი ოდენობით თაღლითობისა და თაღლითობის მცდელობის ფაქტზე, საქართველოს ხუთი და თურქეთის რესპუბლიკის ერთი მოქალაქე დააკავა

სამართალდამცველებმა ჯგუფურად ჩადენილი ქურდობისა და ძარცვის ბრალდებით 5 არასრულწლოვანი დააკავეს