ცენტრალური საარჩევნო კომისია საკრებულოს შუალედური არჩევნებისთვის ბიულეტენების ბეჭდვის პროცესს იწყებს. 

კომისიის ინფორმაციით, 31 მაისის არჩევნებისთვის ცესკო შპს სტამბა „ფავორიტში“ 2,350 ბიულეტენს დაბეჭდავს. 

ბეჭდვის პროცესს არასამთავრობო ორგანიზაციების - „სამოქალაქო საზოგადოების და დემოკრატიის განვითარების ცენტრის“, „სამართლიანი არჩევნებისა და დემოკრატიის საერთაშორისო საზოგადოების“ წარმომადგენლები და ცესკოს წევრები დააკვირდებიან. 

სენაკისა და ზუგდიდის საკრებულოების შუალედური არჩევნები 31 მაისს, მაჟორიტარული საარჩევნო სისტემით №64 სენაკის საარჩევნო ოლქის №64.13 ფოცხოს და №67 ზუგდიდის ოლქის №67.11 ერგეტის ადგილობრივ მაჟორიტარულ საარჩევნო ოლქებში გაიმართება. 

შუალედური არჩევნებისთვის საარჩევნო ბიულეტენებისა და შემაჯამებელი ოქმების დაბეჭდვის პროცესზე დამკვირვებელთა დანიშნვის შესახებ განკარგულება ცესკომ 23 მაისის სხდომაზე მიიღო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პენტაგონი: ირანში კონფლიქტში დაღუპული ამერიკელი სამხედროების რიცხვი 19-მდე გაიზარდა

თვეების განმავლობაში მიმდინარე დავის შემდეგ, ტრამპმა დანიასთან და გრენლანდიასთან შეთანხმებას მოაწერა ხელი

Iltalehti: ბალტიისპირეთის თავდაცვის მინისტრებმა ფონ დერ ლაიენს საიდუმლო წერილი მისწერეს

მაკრონი: ირანის დაბომბვა ქვეყანაში ხელისუფლების შეცვლას არ გამოიწვევს