ნინო ჯავახაძე: ავსტრიაში იანვარ-თებერვალში თავშესაფრის მაძიებლების 100%-იანი ზრდა გვაქვს

2018-03-27 16:06:57, 1403 ნახვა

კომენტარი

შინაგან საქმეთა მინისტრის მოადგილის ნინო ჯავახაძის განცხადებით, ავსტრიაში უცხოელ დამნაშავეთა შორის ქართველების მიერ ჩადენილი დანშაული 0,9%-ს შეადგენს.

თუმცა, მისივე ინფორმაციით, მნიშვნელოვნადაა გაზრდილი საქართველოდან თავშესაფრის მაძიებელთა რაოდენობა:

„ავსტრიაში გვაქვს 0,9% მთლიანად უცხოელ დამნაშავეებს შორის ქართველების მიერ ჩადენილი დანაშაული.ავსტრიაში ვიზიტს დროს ცალსახად ითქვა, რომ ჩვენთან ამ მხრივ პრეტენზია რაიმე ოპერატიული თანამშრომლობის კუთხით არ აქვთ და ზოგადად პოლიციის ატაშე ძალიან კარგად საქმიანობს. თუმცა თავშესაფრის მაძიებელთა კუთხით საკმაოდ მნიშვნელოვანი ზრდა გვაქვს.იანვარ-თებერვალში გვაქვს 100%-იანი ზრდა თავშესაფრის მაძიებლების ავსტრიაში, რაც საგულისხმო მაჩვენებელია“,-განაცხადა ნინო ჯავახაძემ საგარეო ურთიერთობათა და ევროპასთან ინტეგრაციის კომიტეტების გაერთიანებულ სხდომაზე.

ჯავახაძის განმარტებით, შვედეთში ქართველების მიერ ჩადენილი დანაშაულის კლება ფიქსირდება.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები