ნაფიც მსაჯულთა შერჩევასთან დაკავშირებით შესაძლოა, ცვლილებები განხორციელდეს. 
ცვლილება  „სისხლის სამართლის საპროცესო კოდექსში“ შედის, რომლის ინიციატორიც საპარლამენტო უმრავლესობის წევრი გედევან ფოფხაძეა.
პროექტის თანახმად, ნაფიც მსაჯულთა შერჩევის სხდომაზე მოსამართლეს შესაძლებლობა ექნება შეკითხვის დასასმელად და დასმულ შეკითხვაზე პასუხის გასაცემად მხარეებს და მსაჯულობის კანდიდატებს გონივრული ვადა განუსაზღვროს, რასაც მოქმედი კანონმდებლობა არ ითვალისწინებს, რაც,  როგორც განმარტებით ბარათშია ნათქვამი, ხშირად სასამართლო პროცესის გაჭიანურების მიზეზი ხდება. 
ამასთან, ცვლილების მიხედვით, ნაფიც მსაჯულთა შერჩევის მეორე ეტაპზე 18 წელს მიღწეულ პირთა ერთიანი სიიდან, 30 კანდიდატის ნაცვლად 100 კანდიდატი შეირჩევა.
აქვე, თუ წარდგენილი ბრალდება სასჯელის სახით უვადო თავისუფლების აღკვეთას ითვალისწინებს, თითოეული მხარე, ნაცვლად 12 დაუსაბუთებელი აცილებისა, 10 დაუსაბუთებელი აცილების განცხადების უფლებით ისარგებლებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Porsche კიდევ 5000 სამუშაო ადგილს შეამცირებს

გერმანიაში დაახლოებით 450 პოტენციური ისლამისტი ტერორისტი იქნა იდენტიფიცირებული

ტრამპი: ირანს იგივე ემართება, რაც ვენესუელას დაემართა

პუტინმა ბრძანა ომის გასაგრძელებლად ბიუჯეტი მოამზადონ