პანკისის ხეობის უხუცესთა საბჭოს წევრის სოსო ქავთარაშვილის შეფასებით, თემირლან მაჩალიკაშვილის აყვანა "სროლის გარეშე" იყო შესაძლებელი.

როგორც უხუცესთა საბჭოს წევრმა "რუსთავი 2"-ს განუცხადა, ხელისუფლებამ შეცდომა დაუშვა.

"დღევანდელმა ხელისუფლებამ კარგი საქმე არ ჩაიდინა. მისი აყვანა შეიძლებოდა თავისუფლად. მოსულიყვნენ და გამოიყვანდნენ ბავშვს. შეაღეს კარი, შევიდნენ ოთახში და მძინარე ახალგაზრდა მაშინვე დაცხრილეს. დღეს ჩვენ უძლური ვართ", - განაცხადა ქავთარაშვილმა.

უხუცესთა საბჭოს კიდევ ერთი წევრის ხაზო ხანგოშვილის თქმით, ხეობაში სპეცოპერაციასთან დაკავშირებით ბევრი კითხვა არსებობს.

"ჯერ პირველ რიგში უნდა დავკრძალოთ ეს ახალგაზრდა. ამის მერე გამოჩნდება რას ვიზამთ. უამრავი კითხვის ნიშანი გვაქვს ჩატარებულ სპეცოპერაციასთან დაკავშირებით.  მოკლეს ახალგაზრდა და მორჩა", - დასძინა ხანგოშვილმა.

ცნობისთვის, 26 დეკემბერს პანკისის ხეობაში ჩატარებული სპეცოპერაციის დროს თავის არეში დაჭრილი თემირლან მაჩალიკაშვილი დღეს გარდაიცვალა. მაჩალიკაშვილის ცხედარი ლევან სამხარაულის ექსპერტიზის ეროვნულ ბიუროში გადაასვენეს. ექპერტიზის შემდეგ, მაჩალიკაშვილს პანკისის ხეობაში დღესვე გადაასვენებენ. მას დუისში ხვალ დაკრძალავენ.

ავტორი: ,

სოციალური ქსელები

პოლიციამ მკვლელობის მომზადებისა და ე.წ ქურდული სამყაროს წევრობის ბრალდებით 3 პირი დააკავა, ხოლო ე.წ კანონიერ ქურდს ბრალი დაუსწრებლად წარედგინება

თიბისი ბათუმში ბრიტანული დღეების პარტნიორია

თეონა აქუბარდია - გაეროში კობახიძის გამოსვლა აჩვენებს, რომ საგარეო-პოლიტიკურ ენაში ევროინტეგრაცია და ოკუპაციის დასრულების დღის წესრიგი უკანა პლანზე გადადის

სუს-მა ტერორისტულ ორგანიზაცია ისლამურ სახელმწიფოში გაერთიანებისა და ტერორისტულ საქმიანობაში დახმარების ფაქტზე საქართველოს ორი მოქალაქე დააკავა