"ევროპული საქართველოს" წევრის სერგი კაპანაძის განცხადებით, უნდა დადგინდეს, პანკისის ხეობაში ჩატარებული სპეცოპერაციის დროს ჰქონდა თუ არა ადგილი ძალის გადამეტებას.

როგორც კაპანაძემ ჟურნალისტებს განუცხადა, აღნიშნულ საკითხთან დაკავშირებით ძალიან ბევრი კითხვა არსებობს, რომელსაც ხელისუფლებამ პასუხი უნდა გასცეს.

"არსებობს ორი ტიპის კითხვები. პირველი კითხვები ეხება ჩატაევთან დაკავშირებულ ისტორიას. კერძოდ, როგორ იქნა ის ჯერ გაშვებული ციხიდან, შემდეგ როგორ მოხდა მისი წასვლა საქართველოდან და ასევე საქართველოს ტერიტორიაზე უკან შემოსვლა, იმის ფონზე როდესაც ჩატაევი ძალიან ბევრი საერთაშორისო ორგანიზაციის და ჩვენი სტრატეგიული პარტნიორების შავ სიაში იყო შეყვანილი. ეს არის მთავარი კითხვები, რომელსაც პოლიტიკური პასუხი უნდა გაეცეს. ასევე უნდა დადგეს პოლიტიკური პასუხისმგებლობის საკითხი, იმ ადამიანების, ვინც ამაში არიან ჩართულები. გარდა ამისა, არის სხვა ტიპის კითხვებიც, მათ შორის ძალის გადამეტებასთან დაკავშირებით. იმიტომ, რომ ამ კონკრეტული სპეცოპერაციის დროს ლეგიტიმური კითხვები გაჩნდა - იყო თუ არა ძალის ასეთი გამოყენება საჭირო, როგორიც მოხდა, რამაც შემდგომ ახალგაზრდა ადამიანის გარდაცვალება გამოიწვია", - აღნიშნა საპარლამენტო უმცირესობის დეპუტატმა.

ავტორი: ,

სოციალური ქსელები

პოლიციამ მკვლელობის მომზადებისა და ე.წ ქურდული სამყაროს წევრობის ბრალდებით 3 პირი დააკავა, ხოლო ე.წ კანონიერ ქურდს ბრალი დაუსწრებლად წარედგინება

თიბისი ბათუმში ბრიტანული დღეების პარტნიორია

თეონა აქუბარდია - გაეროში კობახიძის გამოსვლა აჩვენებს, რომ საგარეო-პოლიტიკურ ენაში ევროინტეგრაცია და ოკუპაციის დასრულების დღის წესრიგი უკანა პლანზე გადადის

სუს-მა ტერორისტულ ორგანიზაცია ისლამურ სახელმწიფოში გაერთიანებისა და ტერორისტულ საქმიანობაში დახმარების ფაქტზე საქართველოს ორი მოქალაქე დააკავა