ხორავას ქუჩაზე მომხდარ მკვლელობაში ბრალდებულის, ერთ-ერთი არასრულწლოვანის გ.ჯ-ს ადვოკატის, ეკა მაჭარაშვილის განცხადებით, საქმეში კიდევ ერთი დაჭრილი ფიგურირებს, თუმცა გამოძიებას არ დაუდგენია პირი, რომელმაც მათ ჭრილობა მიაყენა.

"საქმეში არის კიდევ ერთი დაჭრილი, თუმცა არაა ცნობილი, ვის მიერ მოხდა დაჭრა. ჩვენ ვამბობთ, რომ გამოძიება არ არის ეფექტურად ჩატარებული", - აღნიშნა ადვოკატმა და დასძინა, რომ სასამართლო სამედიცინო დასკვნიდან გამომდინარე ლოგიკურია, რომ საქმეში ორზე მეტი დანა ფიგურირებს.

"გარდაცვლილს მიყენებული აქვს იმაზე მეტი ჭრილობა და განსხვავებული ზომისა და სიღრმის ჭრილობა, ვიდრე წარმოდგენილი დანებია. ლოგიკურია, კითხვა, რომ საქმეში ფიგურირებს იმაზე მეტი დანა, ვიდრე გამოძიება საუბრობს", - განაცხადა მაჭარაშვილმა.

დღევანდელ სასამართლო პროცესზე საქმეში არსებული მტკიცებულებების დასაშვებობაზე იმსჯელებენ. ასევე, დაცვის მხარე აღკვეთის ღონისძიების გადასინჯვის შუამდგომლობასაც დააყენებს.

ავტორი: ,

სოციალური ქსელები

პოლიციამ მკვლელობის მომზადებისა და ე.წ ქურდული სამყაროს წევრობის ბრალდებით 3 პირი დააკავა, ხოლო ე.წ კანონიერ ქურდს ბრალი დაუსწრებლად წარედგინება

თიბისი ბათუმში ბრიტანული დღეების პარტნიორია

თეონა აქუბარდია - გაეროში კობახიძის გამოსვლა აჩვენებს, რომ საგარეო-პოლიტიკურ ენაში ევროინტეგრაცია და ოკუპაციის დასრულების დღის წესრიგი უკანა პლანზე გადადის

სუს-მა ტერორისტულ ორგანიზაცია ისლამურ სახელმწიფოში გაერთიანებისა და ტერორისტულ საქმიანობაში დახმარების ფაქტზე საქართველოს ორი მოქალაქე დააკავა