საზოგადოებრივი მაუწყებლის გენერალური დირექტორის ვასილ მაღლაფერიძის  მიერ სამეურვეო საბჭოს სხდომაზე გაკეთებულ განცხადებას ბორდის წევრმა ქეთევან მსხილაძემ უპასუხა და  მას შეახსენა, რომ საზოგადოებრივი მაუწყებელი  კომერციული ტელევიზია არ არის  და უმაღლესი სტანდარტები უნდა დაიცვას.  საქმე ეხება პოეტ ზვიად რატიანთან დაკავშირებით მომზადებულ სიუჟეტს.

„შეიძლება ბევრმა სხვა მაუწყებელმა გაუშვას სიუჟეტი, მაგრამ საზოგადოებრივი მაუწყებელი არ არის კომერციული ტელევიზია და უნდა გაითვალისწინოს ეს და დაიცვას უმაღლესი სტანდარტები. გარდა ამისა, თქვენ ბრძანეთ, რომ ჩვენ სწორი გავაკეთეთ, უნდა გამოგვეთხოვა და გაგვეშვა ეს მასალა, სიმართლე უნდა გაიგოს ხალხმა, მაგრამ ეს არ იყო სიმართლე, ეს იყო სიმართლის ნაგლეჯი", - მიმართა მსხილაძემ მაღლაფერიძეს.

შეგახსენებთ, საზოგადოებრივმა მაუწყებელმა პოეტ ზვიად რატიანის საქმეზე სასამართლოში შსს-ს მიერ წარდგენილი  კადრები გამოითხოვა და გაასაჯაროვა. 

საქართველოს ჟურნალისტური ეთიკის ქარტიის საბჭომ პოეტ ზვიად რატიანის ვიდეოს გამოქვეყნებით, საზოგადოებრივი მაუწყებლის მიერ ქარტიის პირველი და მეათე პრინციპების-სიზუსტის და პირადი ცხოვრების ხელყოფის დარღვევა დაადგინა.

როგორც აღნიშნულთან დაკავშირებით საზმაუს გენერალურმა დირექტორმა ვასილ მაღლაფერიძემ განაცხადა, ზვიად რატიანზე გაშვებული სიუჟეტის მიმართ მისი დამოკიდებულება დადებითი არ არის.

ავტორი: ,

სოციალური ქსელები

კობახიძე Kordz-ის კონცერტის გაუქმებაზე -ლიბერალური ფაშიზმის წამახალისებელი აქტი

კობახიძე - - მართლა ერთგვარი სექტის სახე მიიღო იმ დაჯგუფებამ, რომელიც ყოველდღიურ რეჟიმში 20, 50, ხან მაქსიმუმ 150 კაცით აწყობს ხოლმე აქციებს

ლარსზე, რუსეთსა და საქართველოს შორის მიმოსვლა უსაფრთხოების განგაშის გამო დროებით შეჩერდა

უკრაინამ რუსეთის რამდენიმე ქალაქის ნავთობგადამამუშავებელი ქარხანა, რაკეტების მწარმოებელი და ოზონის საწყობები დაბომბა