საქართველოს პრეზიდენტმა გიორგი მარგველაშვილმა, პრეზიდენტის სასახლეში მეორე მსოფლიო ომის ვეტერანებს უმასპინძლა.

გიორგი მარგველაშვილმა ფაშიზმზე გამარჯვებისა და მეორე მსოფლიო ომის ვეტერანთა მოძრაობის საქმეში შეტანილი პირადი წვლილისთვის 12 ვეტერანი ღირსების ორდენით დააჯილდოვა.

ღირსების ორდენი ასევე გადაეცა პროფესორ მაყვალა ნათმელაძეს საქართველოს ისტორიის კვლევის საქმეში შეტანილი პირადი წვლილისათვის, მეორე მსოფლიო ომის თემატიკაზე მრავალრიცხოვანი ნაშრომისა და ნაყოფიერი სამეცნიერო პედაგოგიური საქმიანობისთვის.

ქვეყნის პირველმა პირმა სახელმწიფო ჯილდოები ვეტერანებს პირადად გადასცა. სახელმწიფოს მეთაურმა დამსწრე საზოგადოებას სიტყვით მიმართა და იმ დამსახურებაზე ისაუბრა, რომელიც თითოეულ მათგანს ქვეყნის წინაშე მიუძღვის.

„მინდა ყველას მოგილოცოთ დღევანდელი დღე. ეს არის დღე, როდესაც კაცობრიობამ ნაბიჯი წინ გადადგმა;  დღე, როდესაც 70 წლის წინ ჩვენმა გმირმა წინაპრებმა სამუდამოდ დაამარცხეს ფაშიზმი. პირველ რიგში ამ დღეს ვულოცავ და ქედს ვიხრი ჩვენი ვეტერანების წინაშე. ეს ადამიანები იბრძოდნენ საკუთარი სამშობლოსა და მთელი კაცობრიობის დასაცავად. დღეს ჩვენ მადლობას ვუხდით ყველა იმ ადამიანს, ვინც შესაძლებლობა მისცა არა მარტო საქართველოს, არამედ მთელ მსოფლიოს ეარსება როგორც ცივილიზებულ კაცობრიობას“, - განაცხადა გიორგი მარგველაშვილმა.

დაჯილდოების ცერემონიის დასრულების შემდეგ საქართველოს პრეზიდენტი ვეტერანებს საზეიმო სადილით გაუმასპინძლდა.

დღესვე საქართველოს პრეზიდენტმა ვაკის პარკში უცნობი ჯარისკაცის საფლავი გვირგვინით შეამკო. გიორგი მარგველაშვილი იქ შეკრებილ ვეტერანებს შეხვდა და მათ ფაშიზმზე გამარჯვების 70-ე წლისთავი მიულოცა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპსა და ზელენსკის შეხვედრის შემდეგ, შესაძლოა Patriot-ის წარმოების ლიცენზია უკრაინას გადაეცეს

აშშ-ის სანქციების გამო, თურქეთმა ირანთან საავიაციო და საბანკო ურთიერთობების გაწყვეტა დაიწყო

ევროკავშირმა, საფრანგეთისა და ლუქსემბურგის ზეწოლის ქვეშ, უსმანოვისა და ფრიდმანის წინააღმდეგ სანქციები მოხსნა

გერმანიაში, ამერიკულ საჰაერო ბაზაზე თვითმფრინავი ჩამოვარდა, პილოტი კატაპულტირების შემდეგ გადარჩა