ევროპის საბჭოში ევროპის საბჭოს მინისტრთა მოადგილეების კომიტეტის 1216-ე სხდომა გაიმართა.

დღის წესრიგის საკითხის „ევროპის საბჭო და კონფლიქტი საქართველოში“ ფარგლებში, ევროპის საბჭოსთან საქართველოს მუდმივმა წარმომადგენელმა, კონსტანტინე კორკელიამ  მოსკოვსა და ცხინვალის საოკუპაციო რეჟიმს შორის თანამშრომლობისა და ინტეგრაციის თაობაზე ე.წ. „ხელშეკრულების“ პროექტთან დაკავშირებით ისაუბრა.

კონსტანტინე კორკელიამ ხაზი გაუსვა იმ ფაქტს, რომ ცხინვალის რეგიონი/სამხრეთ ოსეთი არის საქართველოს ტერიტორიის განუყოფელი ნაწილი და რუსეთის ფედერაციის მხრიდან განხორციელებული უკანონო სამხედრო ინტერვენცია თუ ინტეგრაციის სხვა ფორმები, არის აგრესიის, ოკუპაციისა და დე ფაქტო ანექსიის აქტი, რომელიც მიმართულია საქართველოს ტერიტორიული მთლიანობისა და სუვერენიტეტის წინააღმდეგ.

ამასთანავე, საქართველოს მუდმივმა წარმომადგენელმა ევროპის საბჭოს წევრ ქვეყნებს მოუწოდა, აღნიშნულ ფაქტს  შესაბამისი სამართლებრივი და პოლიტიკური შეფასება მისცენ  და  აღნიშნული ე.წ. „ხელშეკრულების“ ხელმოწერის თავიდან აცილების მიზნით ნაბიჯები გადადგან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დუმის არჩევნებში პუტინის პარტია Единая Россия [ერთიანი რუსეთი] 57,54%-ით ლიდერობს

მემარცხენე პარტია (Die Linke) ბერლინის ადგილობრივ არჩევნებში პირველ ადგილზეა

საქართველოს მხარეზე მებრძოლი UNA-UNSO-ს დამფუძნებელი, მიკოლა კარპიუკი ოკუპანტებთან ბრძოლაში დაიძღუპა

არჩევნები ბერლინი და მეკლენბურგ-წინა პომერანიაში: AfD ლიდერობს, თუმცა მთავრობას ვერსად ჩამოაყალიბებს