საქართველოში სამუშაო ვიზიტით შეიარაღებულ ძალებზე დემოკრატიული კონტროლის ჟენევის ცენტრის (DCAF) დირექტორის მოადგილე იმყოფება.
თავდაცვის სამინისტროს ინფორმაციით, აღმოსავლეთ ევროპის, სამხრეთ კავკასიასა და ცენტრალური აზიის ქვეყნებში DCAF-ის წარმომადგენელს თავდაცვის მინისტრის პირველმა მოადგილემ უმასპინძლა. 
უწყების ცნობით, შეხვედრაზე ლელა ჩიქოვანმა და ფილიპ ფლურმა თავდაცვის სამინისტროსა და DCAF-ს შორის არსებული თანამშრომლობის საკითხები განიხილეს. 
ლელა ჩიქოვანმა სტუმარს საქართველოს თავდაცვის უწყებაში განხორციელებული და მიმდინარე რეფორმები გააცნო და ამ კონტექსტში DCAF-თან სამომავლო თანამშრომლობის მიმართულებებზეც იმსჯელეს. 
ფილიპ ფლურმა რეფორმები დადებითად შეაფასა და ქართულ მხარეს მხარდაჭერა აღუთქვა.
საუბრის ერთ-ერთ თემას თავდაცვის ინსტიტუციური აღმშენებლობის სკოლასთან (DIB) თანამშრომლობის გაღრმავება წარმოადგენდა. 
შეიარაღებულ ძალებზე დემოკრატიული კონტროლის ჟენევის ცენტრი (DCAF) უსაფრთხოების სექტორის რეფორმირებისა და მართვის საკითხებში მსოფლიოს ერთ-ერთი წამყვანი ორგანიზაციაა. 
DCAF ქვეყნებს საინფორმაციო-საკონსულტაციო დახმარებას უწევს და მათ პრაქტიკული დამხმარე პროგრამებით უზრუნველყოფს. 
ორგანიზაცია ხელს უწყობს შესაბამისი დემოკრატიული ნორმების დანერგვას, როგორც საერთაშორისო, ასევე, სახელმწიფო დონეზე. 

თავდაცვის სამინისტროში გამართულ შეხვედრას DIB-ის დირექტორი, თეა ნიკოლაშვილი დაესწრო.

(NS) 

ავტორი: ,

სოციალური ქსელები

გერმანიის ელჩი - ქართველები რუსული შეჭრის ტკივილს ღრმად იცნობენ, მაშინ როდესაც მათი ტერიტორიის 20% ოკუპირებულია

დუბაის პრინცმა ინდოელი flydubai-ს პილოტი, კაპიტანი სმიტ მაჩჰარი საავადმყოფოში მოინახულა

კირცხალია პატიმრის გაუპატიურებაზე - უტევენ იმას, სადაც არის რეალურად ჯანსაღი სიტუაცია, სადაც არის მაღალი სტანდარტები

მოვუწოდებთ ევროკავშირს, მიზანმიმართული სანქციები დაუწესოს იმ პირებს, რომლებიც საქართველოში რეპრესიებსა და დემოკრატიისთვის ძირის გამოთხრაზე არიან პასუხისმგებელი - ALDE Party