არასამთავრობო ორგანიზაცია ICDI ახალი საინფორმაციო კამპანიის ფარგლებში „მე ვირჩევ!“ იწყებს იმერეთის რეგიონის 6 ოლქის ჩართვას წინასაარჩევნო ინფორმირების, ყველასთვის საინტერესო, ნოვატორულ, საგანმანათლებლო, საცნობარო ტურში.

ჩვენ ერთად მოვივლით ქალაქებს: ზესტაფონს, ხარაგაულს, საჩხერეს, ჭიათურას, ტყიბულს, თერჯოლას და ადგილობრივ მოსახლეობას გავუზიარებთ ცოდნას, რათა მათი უპირატესი ხმის უფლება დაცული იყოს! რათა მათთვის ნათელი გახდეს არჩევნებზე მისვლის აუცილებლობა და აქტივობის მნიშვნელობა. ჩვენ გვაქვს ჯანსაღი ამბიცია, იმ საინფორმაციო ტექსტური მასალებით, რომლებიც მოვამზადეთ და ვიდეო კლიპის მეშვეობით, რომელიც მთელ იმერეთს მოუწოდებს მაღალი აქტივობისკენ, მივცეთ სტიმული ადგილობრივ ამომრჩეველს, მოახლოვებულ დემოკრატიულ არჩევნებში დააფიქსიროს გადაწყვეტილება.

თითოეულ ოლქში ჩვენი ძალისხმევით და უაღრესად დიდი ენთუსიაზმით, მოეწყობა სიმულაციური თამაშები, კონკურსები და ვიქტორინები, რაც ხელს შეუწყობს მოქალაქეთა სამოქალაქო პასუხისმგებლობის გაძლიერებას და არჩევნების შესახებ ცნობადობის ამაღლებას. ასევე, ადგილობრივი ტელევიზია გააშუქებს სახალისო ვიდეო-ანიმაციას.

ღია ცის-ქვეშ მოეწყობა საჯარო-საინფორმაციო შეხვედრები მოსახლეობასთან და დარიგდება საინფორმაციო მასალები. საინფორმაციო მასალები აქტუალურ თემებზე უკვე მზადაა. მაგალითად: არჩევნების მნიშვნელობა, აქტიური მოქალაქეობა, ადგილობრივი თვითმმართველობის აღმასრულებელი და წარმომადგენლობითი ორგანოების არჩევნები, ამომრჩეველთა უფლებები და სამოქალაქო პასუხისმგებლობა, კენჭისყრის პროცედურები და სხვა მნიშვნელოვანი საკითხები.

იმისათვის, რომ ახალი თაობა უფრო აქტიურად ჩაერთოს ქვეყანაში მიმდინარე უმნიშვნელოვანეს პროცესში პროექტმა მათ წახალისებაზეც იზრუნა და ჩვენი სლოგანით: „შენი ხმა რეგიონის განვითარებისთვის“, ჩვენი სახელწოდებით - „მე ვირჩევ“ და ორგანიზაციის დასახელებით - ICDI მაისურები ლოზუნგით -ნუ დარჩები სახლში! კეპებით, ბლოკნოტებით, ბუშტებით ხელდამშვენებულები ჩავალთ!

პროექტი ხორციელდება სსიპ საარჩევნო სისტემების განვითარების, რეფორმებისა და სწავლების ცენტრის ფინანსური მხარდაჭერით.

ჩვენ უკვე მზად ვართ თქვენთან შესახვედრად!

#იმერეთი - შენ ირჩევ! მე ვირჩევ! ჩვენ ვირჩევთ! შენი ხმა რეგიონის განვითარებისთვის!!!

(NS)

ავტორი: ,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს