ვაჟა კაკაბაძე: უნდა შეიქმნას ტყის აღდგენის ფონდი - ბოტანიკურ ბაღებს კი ნერგების გამოყვანა დაევალოს

2017-08-23 12:08:24, 823 ნახვა

ეკონომიკის მეცნიერებათა დოქტორი, ინჟინერ-გეოლოგი, საქართველოს საინჟინრო აკადემიის წევრ-კორესპოდენტი, ვაჟა კაკაბაძე "ექსპრესნიუსთან" აცხადებს, რომ უნდა შეიქმნას ტყის აღდგენის ფონდი, ამასთან საქართველოში არსებულ ბოტანიკურ ბაღებს დაევალოს ხის ნერგების გამოყვანა.

"საქართველოში სასწრაფოდ უნდა გამოცხადდეს საგანგებო მდგომარეობა, რომელშიც ჩაერთვებიან სამხედრო და პოლიციის ყველა დანაყოფი; ყველა მეგობარ ქვეყანას უნდა ეთხოვოს დამხმარე სამაშველო რაზმების გამოგზავნა; უშიშროების საბჭომ დაიწყოს გამოძიება ხანძრის გაჩენის მიზეზის; გაძლიერდეს მთელ სასაზღვრო პერიმეტრზე კონტროლი; დაევალოს ბათუმის, თბილისის და ქუთაისის ბოტანიკურ ბაღებს ხის ნერგების გამოყვანა; შეიქმნას ტყის აღდგენის ფონდი, რომელშიც ჩაირიცხება ყველა იმ სახელმწიფო მოხელეს ან ბიზნესმენის ხელფასი, რომლის ერთი თვის ხელფასი 4 000 ლარს აღემატება. თუ ამ ღონისძიებას ჩვენი ხელისუფლება არ განახორციელებს, მაშინ კიდევ უფრო რთულ ვითარებაში აღმოვჩნდებით და ჩემს თავს უფლებას მივცემ ამ ხელისუფლებას დავარქვა უნიათო ანუ უვარგისი", - აცხადებს ვაჟა კაკაბაძე.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები