2017-08-22 09:11:20, 860 ნახვა

---

ფშაველი-აბანო-ომალოს საავტომობილო გზა მეწყერის გამო დაიტბორა - საავტომობილო გზების დეპარტამენტი მოსახლეობას აფრთხილებს

საავტომობილო გზების დეპარტამენტის ინფორმაციით, შიდასახელმწიფოებრივი მნიშვნელობის ფშაველი-აბანო-ომალოს საავტომობილო გზის 56-ე კმ-ზე, ბოლო დღეებში გააქტიურდა მეწყერული მონაკვეთი, - ამის შესახებ ნათქვამია საქართველოს საავტომობილო გზების დეპარტამენტის მიერ გავრცელებულ განცხადებაში.

როგორც დეპარტამენტის განცხადებაშია აღნიშნული, გზის მიმდებარედ გამოფიტული და ეროზირებული მეწყრული ფერდობიდან, გზის სავალ ნაწილზე სისტემატიურად ჩამოდის მიწა-კლდოვანი ჩამონაშალი, რომლის ნაწილიც ჩადის მდინარის კალაპოტში, არსებულმა მეწყრულმა პროცესებმა გამოიწვია მდინარის ნაწილობრივ შეგუბება და წყლის დონის მატების შედეგად დაიტბორა გზის ორი მონაკვეთი.

"ადგილზე იმყოფებიან საავტომობილო გზების დეპარტამენტის შესაბამისი სამსახურები და დაწყებულია დამატებითი მანქანა–მექანიზმების მობილიზება რათა უმოკლეს ვადებში მოხდეს გზის გაწმენდა.

საავტომობილო გზების დეპარტამენტი გთხოვთ აღნიშნულ მონაკვეთზე გადაადგილებისას გამოიჩინოთ ყურადღება და სიფრთხილე და არ გააჩეროთ ავტომანქანები ქვის ცვენის ადგილებში", - ნათქვამია განცხადებაში. 

---

ავტორი: ,

---

დღის თემა

მთავარი თემა

ინტერვიუ - ექსკლუზივი