მოსახლეობის თქმით, სოფელ დაბაში ხანძარი ხეხილის ბაღებს მოედო

2017-08-22 08:18:36, 762 ნახვა

სოფელ დაბას მოსახლეობის თქმით, ცეცხლი უკვე ხეხილის ბაღებსაც მოედო და მათ საოცხოვრებელ სახლებთან ძალიან ახლოსაა.

ამიტომ, მოსახლეობა უფრო ქმედითი ნაბიჯების გადადგმას ითხოვს. კერძოდ, მათი განცხადებით, საცხოვრებელ სახლებთან სახანძრო ბრიგადების მობილიზება უნდა მოხდეს, რათა ცეცხლის ამ ტერიტრიაზე გავრცელების შემთხვევაში, სოფელი გადაარჩინონ. ბორჯომის მუნიციპალიტეტში, სოფელ დაბას მიმდებარე ტერიტორიაზე და მთის ფერდობებზე გაჩენილი ხანძრის სალიკვიდაციო სამუშაოები უწყვეტ რეჟიმში მიმდინარეობს.

შემთხვევის ადგილზე მუშაობს შსს-ს საგანგებო სიტუაციების მართვის სააგენტოს 400-მდე მეხანძრე-მაშველი და რამდენიმე ათეული სახანძრო-სამაშველო ტექნიკა. ცეცხლის სალიკვიდაციო სამუშაოებში, ასევე, მონაწილეობს შსს-ს განსაკუთრებულ დავალებათა დეპარტამენტის 550 თანამშრომელი, შსს-ს სასაზღვრო პოლიციის 2 და აზერბაიჯანის 1 ვერტმფრენი. ასევე თურქეთიდან მომავალი 2 ვერტმფრენი უკვე ბათუმშია და ისინიც ჩაერთვებიან სახანძრო ოპერაციაში.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები