166-ე საჯარო სკოლა ანექსირებულ ყირიმში მოსწავლეების გამგზავრებას უარყოფს

2017-08-22 03:37:35, 809 ნახვა

რუსული ენის უკეთ შესწავლის მიზნით ერთ-ერთი საჯარო სკოლის 6 მოსწავლე ანექსირებულ ყირიმში, საერთაშორისო საბავშო ცენტრ "არტეკში" გაემგზავრა.

მედიაში გავრცელდა ინფორმაცია, რომ აღნიშნული მოსწავლეები თბილისის 166-ე საჯარო სკოლაში სწავლობენ.

ინფორმაციის გადასამოწმებლად "ექსპრესნიუსი" სკოლის ადმინისტრაციას დაუკავშირდა.

როგორც დირექტორის მოვალეობის შემსრულებელმა/ საქმის მწარმოებელმა მაია მგელაძემ "ექსპრესნიუსს" განუცხადა, გავრცელებული ინფორმაცია სიმართლეს არ შეესაბამება.

"ეს მცდარი ინფორმაციაა. შემიძლია დაგიდასტუროთ, რომ ჩვენთან ეს მოსწავლეები და მასწავლებელი არ არიან. ალბად სკოლის ნომერი შეცდომით არის დაფიქსირებული. ინფორმაცია უკვე გადამოწმებული გვაქვს", - აცხადებენ სკოლის ადმინისტრაციაში.

მოგვიანებით, "ექსპრესნიუსმა" გაარკვია, რომ საუბარია თბილისის 146-ე საჯარო სკოლაზე. თუმცა, არც სკოლის დირექტორი და არ ადმინისტრაცია ჩვენს ზარებს არ პასუხობენ.

ცნობისთვის, რუსული ენის უკეთ შესწავლის მიზნით, სკოლის 6 მოსწავლე ანექსირებულ ყირიმში, საერთაშორისო საბავშო ცენტრ "არტეკში" გაემგზავრა.

აღსანიშნავია, რომ მომხდარს საქართველოს განათლებისა და მეცნიერების სამინისტროც გამოეხმაურა. როგორც უწყებაში აცხადებენ, "სამწუხაროა, რომ სკოლის ადმინისტრაციამ ან ერთმა კონკრეტულმა მასწავლებელმა გაუთვითცნობიერებელი გადაწყვეტილება მიიღო, რის გამოც სკოლის მოსწავლეები რუსეთის მიერ ანექსირებულ ყირიმში მოხვდნენ".

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები