„მთის კურორტების განვითარების კომპანია“ ბორჯომში ხანძრის ლოკალიზებაში აქტიურად მონაწილეობს

2017-08-22 03:36:15, 581 ნახვა

საქართველოს ეკონომიკისა და მდგრადი განვითარების სამინისტროს შპს „მთის კურორტების განვითარების კომპანიის" ბაკურიანის მთის მართვის დეპარტამენტი აქტიურად მონაწილეობს ბორჯომის ხეობაში არსებული ხანძრის ლოკალიზებაში.

ეკონომიკის სამინისტროს ინფორმაციით, წაღვერის თავზე, ეგრედწოდებული არჯევანიძეების ტყის მასივში მთელი ღამის განმავლობაში ბაკურიანის მთის მართვის დეპარტამენტის თანამშრომლები მძიმე ტექნიკით გზების გაჭრის სამუშაოებში მონაწილეობდნენ.

სამინისტროს ინფორმაციით, მთლიანობაში სამ კილომეტრადე გზა გაიჭრა, რათა სახანძრო- სამაშველო მანქანებს შეძლებოდათ ტყის ტერიტორიაზე გადაადგილება და ცეცხლის ლოკალიზება. ასევე გაკეთდა ცეცხლისთვის უსაფრთხოების კორიდორები, რომ არ მოხდეს ცეცხლის არეალის მომატება.

აღნიშნულ სამუშაოებს ახორციელებს ბაკურიანის მთის მართვის დეპარტამენტი.

(NS)

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები