მხოლოდ უკრაინის მტრებს შეუძლიათ სააკაშვილის ისტერიულ მოწოდებას გამოეხმაურონ, მას უკრაინის საზღვრის გარღვევაში დაეხმარონ, - ამის შესახებ უკრაინის „რადიკალური პარტიის“ ლიდერი ოლეგ ლიაშკო Facebook-ის საკუთარ გვერდზე წერს.

როგორც პოლიტიკოსი წერს, სააკაშვილმა კარგი ადვოკატი უნდა დაიქირავოს და სასამართლოში მივიდეს.

"უკრაინის საზღვრის ურღვევობის ხელყოფა ეს ჩვენი სახელმწიფოებრიობისა და სუვერენიტეტის აუღიარებლობაა. ეს უკრაინის დამცირებაა. ასევე მოიქცნენ სეპარატისტები დონბასში, როდესაც შეიჭრნენ ჩვენს ტერიტორიაზე 2014 წელს.სააკაშვილი უკმაყოფილოა იმით, რომ მისმა მეგობარმა პოროშენკომ მას პასპორტი წაართვა, რომელიც უკანონოდ მიიღო?! დაიქირავოს საუკეთესო ადვოკატები და სასამართლოში წავიდეს! მაგრამ ჩემი ქვეყნის საზღვრები წმინდა, ხელშეუხებელი და ჩაკეტილია. ამიტომ ჩვენს გმირ მესაზღვრეებს მივმართავ, ნებისმიერს გაუხსნან ცეცხლი, ვინც საზღვარს დაარღვევს. ვინც ჩვენი საზღვრების ურღვევობას ხელყოფს, უკრაინის მტერია. სააკაშვილს ეს სუვერენიტეტი სძულს. რატომ არ არღვევს ის საქართველოს საზღვარს? იმიტომ, რომ პატივს სცემს თავის მშობლიურ საქართველოს. უკრაინა მისთვის უცხოა, ამიტომაც ასე ამცირებს მას. არავის მივცემ უფლებას დაამციროს ჩემი სამშობლო, არც პრეზიდენტ პროშენკოს, არც სააკაშვილს და  არც ვინმე სხვას", - წერს ოლეგ ლიაშკო.

ავტორი: ,

სოციალური ქსელები

ივანიშვილის რეჟიმი ტუტუშკების მორალის პოლიციას აყალიბებს, რომლებიც მოქალაქეებს ღიად გაუსწორდება

რეჟიმის შსს ადასტურებს აქცის 10 მონაწილის დაკავებას ბანერების გამო

ბანერების გამო საპროტესტო აქციის მონაწილეები დააკავეს, პოლიციამ მომიტინგეებს სცემა

ბანერის ჭერის გამო თორნიკე თოშხუა წვრილმანი ხულიგნობის მუხლით დააკავეს