რუსეთი ოკუპირებულ აფხაზეთს სამხედრო ტექნიკას გადასცემს - ე.წ. დოკუმენტს ხელი მოეწერა

2017-08-21 06:45:23, 605 ნახვა

რუსეთი ოკუპირებულ აფხაზეთს სამხედრო ტექნიკას გადასცემს, - ამის შესახებ Tass რუსეთის თავდაცვის სამინისტროზე დაყრდნობით იუწყება.

მედია საშუალების ინფორმაციით, ე.წ. დოკუმენტს რუსეთის თავდაცვის მინისტრის მოადგილემ ალექსანდ ფომინმა და თვითგამოცხადებული რესპუბლიკის ე.წ. გენერალური შტაბის ხელმძღვანელმა ანატოლი ხრულოვმა მოაწერეს ხელი.

"კონტრაქტს, რომლის თანახმადაც აფხაზეთს სამხედრო ქონება გადაეცემა, ხელი უკვე მოაწერეს. აღნიშნული სამუშაო რუსეთის ფედერაციასა და აფხაზეთის რესპუბლიკას შორის მოკავშირეობისა და სტრატეგიული პარტნიორობის შესახებ 2014 წლის 24 ნოემბერს გაფორმებული შეთანხმების საფუძველზე ხორციელდება, რაც აფხაზეთის შეიარაღებული ძალების მოდერნიზაციას გულისხმობს", - ნათქვამია რუსეთის თავდაცვის სამინისტროს განცხადებაში.

მედიის ცნობით, შეხვედრაზე ასევე ოკუპირებულ აფხაზეთში მდებარე რუსეთის სამხედრო ბაზის ფუქციონირებისა და ერთობლივი რუსულ-აფხაზური შეიარაღებული ქვედანაყოფის ფორმირების საკითხიც განიხილეს.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები