ბარსელონაში განხორციელებული ტერაქტის შემსრულებელი იუნეს აბუიაკუბია

2017-08-21 04:06:24, 685 ნახვა

ფურგონის მძღოლი, რომლის თავდასხმის შედეგად ბარსელონაში 13 ადამიანი დაიღუპა, ცოცხალია და გაქცეულია, - ამის შესახებ BBC იუწყება.

სამარტალდამცველების ინფორმაციით, ისინი 22 წლის მაროკოელ იუნის აბუიაკუბს ეძებენ.

ამასთან, მედიის ცნობით, 17 წლის მუსა უკაბირი, რომელსაც სამართალდამცველები ერთ-ერთ მთავარ ეჭვმიტანილად მოიაზრებენ ლიკვიდირებულია. ის იმ 5 თავდამსხლს შორის არის, რომლებიც პოლიციამ კამბრილსში მორიგი თავდასხმის დროს მოკლა.

სამართალდამცველების თქმით, ეჭვმიტანილები კიდევ უფრო მასშტაბურ თავდასხმას გეგმავდნენ.

როგორც BBC წერს, იუნის აბუიაკუბი ქალაქ რიპოლიში ცხოვრობდა. ამასთან, პოლიციამ რიპოლიში 3 ეჭვმიტანილი დააკავა.

შეგახსენებთ, რომ 17 აგვისტოს კატალონიაში 2 ტერაქტი მოხდა, რის შედეგადაც 14 ადამიანი დაიღუპა, 130-მდე კი, დაშავდა. პოლიციამ 5 თავდამსხმელის ლიკვიდირება მოახდინა. მომხდარზე პასუხისმგებლობა "ისლამურმა სახელმწიფომ" აიღო.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები