„მე იმედი მაქვს, რომ პარლამენტი ჩემს მოტივირებულ შენიშვნებს გაითვალისწინებს“,-ამის შესახებ საქართველოს პრეზიდენტმა გიორგი მარგველაშვილმა დღეს გამართლ ბრიფინგზე განაცხადა.

როგორც მარგველაშვილმა აღნიშნა, მოტივირებული შენიშვნები ეფუძნება ძალიან აქტიურ პოზიციას, რომელიც ამ კანონმდებლობასთან მიმართებაში აქვს როგორც სამოქალაქო საზოგადოებას, ისე პოლიტიკურ პარტიებს.

„იმედი მაქვს, რომ პარლამენტი  გაითვალისწინებს ჩემს მოტივირებულ  შენიშვნებს. მითუმეტეს გამომდინარე იქიდან, რომ მოტივირებული შენიშვნები  თავის მხრივ მათ შორის ეფუძნება ძალიან აქტიურ პოზიციას, რომელიც ამ კანონმდებლობასთან მიმართებაში აქვს როგორც სამოქალაქო საზოგადოებას, ასევე პოლიტიკურ პარტიებს. ეს არის აქტიური ნეგატიური პოზიცია, რომელიც დაფიქსირებულ იქნა  არაერთი   შეხვედრის დროს. დარწმუნებული ვარ მმართველმა პარტიამ ნელ-ნელა კიდევ უფრო აქტიურად უნდა მოუსმინოს და კიდევ უფრო აქტიურად ყური დაუგდოს განსხვავებულ აზრს და თავის კანონშემოქმედებით პროცესში  განსხვავებული აზრი ჩართოს როგორც შემადგენელი ნაწილი  და ჩართოს თავისი პოლიტიკური გადაწყვეტილებების შემადგენელ ნაწილად“,-განაცხადა პრეზიდენტმა.

მისივე თქმით, ვეტოს კიდევ ერთი მიზეზები კანონების დაჩქარებული წესით მიღებაა.

„მაშინ როდესაც ყველა ჩვენი საერთაშორისო პარტნიორი ჩვენ მოგვიწოდებდა საარჩევნო წელიწადს არ მომხდარიყო ცვლილებები, რომელიც შეეხებოდა  საარჩევნო გარემოს, არადა ორივე კანონი ამ შემთხვევაში საარჩევნო გარემოს ეხება, წლის განმავლობაშიც არ უნდა მიღებულიყო. ამ შემთხვევაში მიღებული არის სამი თვით ადრე არჩევნებამდე. შესაბამისად მე  ორივე ამ საკითხთან დაკავშირებულ  კანონებს  მოტივირებული შენიშვნებით ვუბრუნებ პარლამენტს“, - დასძინა მარგველაშვილმა.

ცნობისთვის, პრეზიდენტმა „ადგილობრივი თვითმმართველობის კოდექსს” და „საარჩევნო კოდექსში“ შესატან ცვლილებებს ვეტო დაადო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა