შსს-ს საგანგებო სიტუაციების მართვის სააგენტოს მაშველებმა შატილში სამაშველო ოპერაცია წარმატებით დაასრულეს.

უწყების ინფორმაციით, მაშველები შატილში სამძებრო-სამაშველო ღონისძიებებს გუშინ საღამოდან ახორციელებდნენ.

„21 აპრილს საგანგებო სიტუაციების მართვის სააგენტოში შევიდა შეტყობინება იმის შესახებ, რომ შატილში, ტყეში ფიჩხის შესაგროვებლად წასულ ახალგაზრდას ხე დაეცა და კლდიდან დაგორდა. მას მენჯ-ბარძაყის და წვივის არეში მოტეხილობები აღენიშნებოდა. დაშავებული კლდიდან სასაზღვრო პოლიციის თანამშრომლებმა ჩამოიყვანეს.

განსაკუთრებულ საგანგებო სიტუაციებზე რეაგირების სამმართველოს 10 კაციანი სამაშველო ჯგუფი შეტყობინების მიღებისთანავე გავიდა თბილისიდან. მათ დაზარალებულისთვის შატილში ტკივილგამაყუჩებელი საშუალებები წაიღეს. უამინდობის გამო ვერ მოხერხდა ვერტმფრენით გადაფრენა, რის გამოც, მაშველებს თოვლში, დახლოებით 50 კილომეტრი ფეხით მოუწიათ სიარული. ამინდის გაუმჯობესებისთანავე, დღეს შესაძლებელი გახდა სამაშველო სამუშაოს განახლება და მაშველებმა დაზარალებული თბილისში სასაზღვრო პოლიციის ვერტმფრენით ჩამოიყვანეს“, - ნათქვამია შსს-ს განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს