დღეს დედამიწის საერთაშორისო დღე აღინიშნება. 

გარემოსა და ბუნებრივი რესურსების დაცვის სამინისტროს, კავკასიის გარემოსდაცვითი არასამთავრობო ქსელისა (CENN)  და არასამთავრობო ორგანიზაციის „ეკოხედვა“ –ს ორგანიზებით, დღეს თბილისის ზოოპარკში   საქართველოს სხვადასხვა რეგიონის საჯარო სკოლის მოსწავლეების მიერ,     ნარჩენების მდგრადი მართვისა და გარემოსდაცვით   თემაზე შექმნილი პოსტერებისა და ნახატების გამოფენა გაიმართა.  

გარემოს დაცვის სამინისტროს ინფორმაციით, პროექტი,  აშშ-ის საერთაშორისო განვითარების სააგენტოს (USAID) ფინანსური მხარდაჭერით განხორციელდა. 

გამარჯვებულები ღონისძიების ორგანიზატორებმა დააჯილდოვეს. პირველი ადგილის მფლობელი ეკო-ბანაკ ტიან- შანზე გაემგზავრება, ხოლო მეორე ადგილზე გასული საჯარო  სკოლის მოსწავლეები საქართველოს დაცულ ტერიტორიებს ეწვევიან. 

დღეს ზოოპარკში “ეკო ბანაკის“ კლუბის წევრებმა დარგვის აქციაშიც მიიღეს მონაწილეობა.
წელს დედამიწის დღე 45-ედ აღინიშნება და მისი მთავარი თემაა „კლიმატის ცვლილების სახე“ - ექსტერმალური ამინდი, დაკარგული სახეობები, დაბინძურებული გარემო - ჩვენი დღევანდელობა.  ყოველი წლის 22 აპრილს ღონისძიებაში 190-ზე  მეტი   ქვეყნის,  20 ათასამდე  ორგანიზაცია და მილიონობით მოხალისე მონაწილეობს. 

დედამიწის დღე პირველად 1970 წლის 22 აპრილს ამერიკის შეერთებულ შტატებში აღინიშნა და ის მსოფლიოში ერთ - ერთი ყველაზე მასშტაბური გარემოსდაცვითი ღონისძიებაა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს