ს.ს „ქართული ლუდის კომპანიამ“ დღეს ახალი ბრენდის „ზედაზენი კრაფტი“-ს პრეზენტაცია გამართა.

პრეზენტაციაზე მიწვეულ სტუმრებს საშუალება ჰქონდათ წარმოების პროცესს დასწრებოდნენ და პირველი ბოთლში  ჩამოსხმული კრაფტ ლუდი დაეგემოვნებინათ.

სიახლე ქართული ლუდის წარმოებაში, ლუდის ხარშვის რენესანსი - სწორედ ასე აფასებს ამერიკელი და ევროპელი ლუდის მხარშველთა ასოციაცია ლუდის ხარშვის იმ მეთოდს, რომელსაც „ზედაზენი“ ახლა უკვე საქართველოში ჩაუყრის საფუძველს.

„ეს არის შემთხვევა, როდესაც ლუდის ხარშვის ხელოვნება, ბევრად უფრო მნიშვნელოვანია, ვიდრე შემოსავალი“, - აცხადებს ს.ს. ,,ქართული ლუდის კომპანიის’’ წარმოების ხელმძღვანელი დავით ნაზღაიძე.

მისივე თქმით, „ზედაზენი კრაფტი“ არის განსაკუთრებული გემოვნური თვისებებით გამორჩეული ლუდი. „ლუდი, რომლისთვის სპეციალურად შეირჩა რამოდენიმე სახეობის სვია და ალაო და რომლის შექმნისთვისაც გამოვიყენეთ ხარშვის განსხავებული მეთოდი“.

„მთავარია გქონდეს იდეა, მნიშვნელოვანია შექმნა ინდივიდუალური რეცეპტი და საგულდაგულო შეარჩიო ინგრედიენტები. კარგი ლუდი ყოველთვის უნდა იყოს ცოტა და იქმნებოდეს მხოლოდ მათთვის, ვისაც უყვარს განსაკუთრებული და განსხვავებული გემო“, - ასე განმარტავენ კომპანიაში ახალი ლუდის „ზედაზენი - კრაფტი“-ს შექმნის იდეას.

„დიდხანს ვმუშაობდით ბოთლის დიზაინზე. ვფიქრობ, რომ საოცარი შედეგია. დიზაინში ჩვენ შევიტანეთ ახალი, ტრენდული ელემენტები ისე, რომ კარგად გამოგვეხატა ბრენდის არსი. ვფიქრობ, რომ საინტერესო შედეგი მივიღეთ და ის მომხმარებლისთვის მართლაც გამორჩეული იქნება“, – განაცხადა ”PETEnginnering”-ის უფროსმა დიზაინერმა, ედუარდო ოტერო როდრიგესმა.

„ზედაზენი კრაფტი“ გაყიდვაში დღეიდან ჩაეშვება და დახლებზე 0,33ლ, 0,5ლ 1,0ლ, 2.0ლ და 2,5 ლიტრიანი შეფუთვით იქნება წარმოდგენილი.

შეგახსენებთ, რომ „ზედაზენი“ ბაზარზე 2012 წლიდანაა და ის დღემდე სასმელების ბაზრის ლიდერია. ეს პოზიცია კომპანიამ საკუთარი პროდუქციისა და პოზიციონირების უწყვეტი განვითარებით დაიმსახურა.

ფოტო რეპორტაჟი

(R)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რომის პაპი ჟურნალისტებს - მიხარია, რომ აქ ხართ, კარგი გაშუქება ყველგან და ყველასთვის მნიშვნელოვანია

თიბისი კონცეპტის მხარდაჭერით ამირ კაკაბაძის საიუბილეო წიგნი გამოიცა

Transparency International Georgia - მიხეილ სააკაშვილის სახელი შეტანილი იქნება ჩვენი ორგანიზაციის მიერ შედგენილი პოლიტიკური პატიმრების სიაში

რუსეთი სამშენებლო კომპანიების გაკოტრების ტალღამ მოიცვა