საგარეო საქმეთა მინისტრი მიხეილ ჯანელიძე, რომელიც დღეს ვიცე-პრემიერად დაინიშნა, გიორგი კვირიკაშვილს ნდობისთვის მადლობას უხდის.

მისი თქმით, ძალიან მნიშვნელოვანია, როცა საგარეო საქმეთა მინისტრს დამატებით ასეთი პოლიტიკური სტატუსი გააჩნია.

მიხეილ ჯანელიძის განმარტებით, ეს ნიშნავს იმას, რომ მთავრობა საგარეო პოლიტიკისადმი განსაკუთრებულ აქცენტს აკეთებს:

„მინდა,  დიდი მადლობა გადავუხადო პრემიერს ნდობისთვის. ეს არის დაფასებაც, ნდობა, ასევე პასუხისმგებლობა და შევეცდები,  მაქსიმალურად გავამართლო ეს ნდობა. რაც შეეხება  საგარეო პოლიტიკისთვის ამის მნიშვნელობას, რა თქმა უნდა, როდესაც საგარეო საქმეთა მინისტრს აქვს დამატებით ასეთი პოლიტიკური  სტატუსი, ის ხელს უწყობს საგარეო ასპარეზზე საგარეო პოლიტიკური ურთიერთობების განხორციელების პროცესს და ეს არის შესაბამისად, ეს არის გაძლიერება და განსაკუთრებული აქცენტი  მთავრობის მხრიდან საგარეო პოლიტისადმი. როგორც ჩვენი ევროპული და ევროატლანტიკური ინტეგრაციის გზაზე, ასევე ჩვენი ქვეყნის გაერთიანების, დეოკუპაციის, კონფლიქტის დარეგულირების გზაზე საგარეო უწყება ძალიან მნიშვნელოვან როლს ასრულებს. მისასამლემებელია, პრემიერის და მთავრობის მხრიდან ამის მხარდაჭერა“,-განაცხადა მიხეილ ჯანელიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა