საქართველოს პრემიერ-მინისტრი გიორგი კვირიკაშვილი გელათის სამონასტრო კომპლექსის  მსოფლიო მემკვიდრეობის ძირითად ნუსხაში დაბრუნების საკითხს გამოეხმაურა და მას ძალიან მნიშვნელოვანი მოვლენა უწოდა.

ამასთან, პრემიერის თქმით, ბაგრატის ტაძრის მსოფლიო კულტურული მემკვიდრეობის ნუსხაში დაბრუნება ვეღარ მოხდება, თუმცა  იგეგმება ქუთაისის, როგორც ისტორიული ლანდშაფტის ზონის ნომინაციაში წარდგენა:

„მინდა, სხდომა დავიწყო სასიხარულო ამბით, რომელიც ვფიქრობ, ყველა ქართველისთვის ძალიან მნიშვნელოვანია, გელათის სამონასტრო კომპლექსი დაბრუნდა მსოფლიო კულტურული მემკვიდრეობის ძეგლთა ძირითად ნუსხაში. ვფიქრობთ, ეს ძალიან მნიშვნელოვანი მოვლენაა. კულტურის სამინისტრომ რამდენიმე წლის განმავლობაში ბევრი იმუშავა, აქტიურად იყო ჩართული საგარეო  საქმეთა სამინისტრო. მინდა, დიდი მადლობა გადაგიხადოთ ამ მუშაობისთვის. მოგეხსენებათ, 2010 წელს იუნესკომ მიიჩნია, რომ ბაგრატის ტაძარზე ჩატარებული  სამუშაოები დარღვევით ჩატარდა და ამის გამო, როგორც ბაგრატი, ასევე გელათის  მსოფლიო მემკვიდრეობის ნუსხაში ყოფნა დიდი კითხვის ნიშნის ქვეშ დაისვა.  დღეს ჩვენ დავაბრუნეთ გელათი ამ ნუსხაში. ვმუშაობთ, რომ ქუთაისის ისტორიული ლანდშაფტის ზონის ნომინაციაში  შეტანის მიმართულებით გადავდგათ წარმატებული ნაბიჯები, რა თქმა უნდა,  ბაგრატს ვერ დავაბრუნებთ ნუსხაში, მაგრამ შევეცდებით, ისტორიული ლანდშაფტის ზონა  დავადასტურებინოთ იუნესკოს,  რაც ვფიქრობთ, მნიშვნელოვანი იქნება“,-აღნიშნა გიორგი კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი - პუტინი „ნულოვანი პაციენტია“, რომელიც ომის იდეას მთელ მსოფლიოში ავრცელებს

გარდაიცვალა პუტინისტი და უკრაინული შოუ „X-ფაქტორის“ ყოფილი მოსამართლე სერგეი სოსედოვი

ირანის საგარეო საქმეთა მინისტრმა ევროპა გააფრთხილა აშშ-სა და ისრაელის მხარდაჭერის შედეგების შესახებ

ზელენსკიმ გაეროს გენერალური ასამბლეის ტრიბუნიდან რუსეთს ენერგეტიკულ სექტორზე საპასუხო დარტყმებით დაემუქრა