„არასოდეს საქართველოს საკითხი ასე აქტუალური არ ყოფილა საერთაშორისო ორგანიზაციების ფარგლებში და არასოდეს რუსეთის პასუხისმგებლობა ასე მკაცრად არ დამდგარა ყველა ფორმატში, როგორც დგება დღეს“, - ასე გამოეხმაურა საქართველოს საგარეო საქმეთა მინისტრი მიხეილ ჯანელიძე სოფელ ბერშუეთის მიმართულებით მცოცავ ოკუპაციას.

მინისტრის თქმით, მთავრობას აქვს ძალიან კონკრეტული პოლიტიკა და ხედვა, რომელსაც მიზანმიმართულად ახორციელებს.

„საქართველოს მთავრობა ძალიან მტკიცე პოლიტიკას ახორციელებს, რომელიც უკავშირდება დეოკუპაციას, ტერიტორიული მთლიანობის აღდგენას და ამას ჩვენ ვახორციელებთ გეგმაზომიერად და მიზანმიმართულად. არასდროს საქართველოს საკითხი ასე აქტუალური არ ყოფილა საერთაშორისო ორგანიზაციების ფარგლებში, როგორც დღეს არის და არასდროს რუსეთის პასუხისმგებლობა ასე მკაცრად არ დამდგარა ყველა ფორმატში, როგორც დგება დღეს. შესაბამისად, ჩვენ გვაქვს ძალიან კონკრეტული პოლიტიკა და ხედვა, რომელსაც ვახორციელებთ და ვფიქრობთ დამატებითი ნაბიჯების გადადგმას, რაც განსაზღვრული იქნება ჩვენი ქვეყნის და პოლიტიკის შესაბამისად. გვაქვს პოლიტიკა, რომელსაც ვახორციელებთ და რომელიც უკავშირდება ჩვენი ტერიტორიების გამთლიანებას, დეოკუპაციასა და კონფლიქტის მშვიდობიან დარეგულირებას. ამ პოლიტიკას ბევრად უფრო წარმატებით ვახორციელებთ, ვიდრე ის ადამიანები, რომლებიც ჩავიდნენ საოკუპაციო ხაზზე და როდესაც თვითონ ახორციელებდნენ ამ პოლიტიკას, ხელი შეუწყვეს ყველა ამ პროცესის წარუმატებლობას“,-განაცხადა მიხეილ ჯანელიძემ.

ამასთან, ჯანელიძე რუსეთის საგარეო უწყების განცხადებას გამოეხმაურა, რომლის თანახმადაც, ის უარყოფს ბორდერიზაციის პროცესს. ამ ქმედებას მიხეილ ჯანელიძემ რუსეთის ფედერაციის მხრიდან პროვოკაციული ნაბიჯი უწოდა.

„ჩვენი მიზანია, რომ რუსულ პროვოკაციას არ წამოვეგოთ და გავაგრძელოთ მიზანმიმართულად ჩვენი ქმედებები, რომლებიც თავსებადია საერთაშორისო სამართალთან, ჩვენს პარტნიორებთან, საერთაშორისო საზოგადოების ხედვასთან და რომელიც უკავშირდება ჩვენი ტერიტორიების მშვიდობიან დეოკუპაციას და გამთლიანებას“,-აღნიშნა მიხეილ ჯანელიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი - პუტინი „ნულოვანი პაციენტია“, რომელიც ომის იდეას მთელ მსოფლიოში ავრცელებს

გარდაიცვალა პუტინისტი და უკრაინული შოუ „X-ფაქტორის“ ყოფილი მოსამართლე სერგეი სოსედოვი

ირანის საგარეო საქმეთა მინისტრმა ევროპა გააფრთხილა აშშ-სა და ისრაელის მხარდაჭერის შედეგების შესახებ

ზელენსკიმ გაეროს გენერალური ასამბლეის ტრიბუნიდან რუსეთს ენერგეტიკულ სექტორზე საპასუხო დარტყმებით დაემუქრა