საქართველოს იუსტიციის მინისტრის თეა წულუკიანის ინიციატივით, 20 აპრილიდან 20 ივნისის ჩათვლით, ახალი ტიპის პირადობის მოწმობა უფასოდ  გაიცემა, მათთვის ვინც არის 16 წლის ან მეტის და არასოდეს არ აუღია ეს დოკუმენტი.

როგორც ჟურნალისტებთან საუბრისას იუსტიციის სახლის აღმასრულებელმა დირექტორმა გიორგი ტაბიძემ განაცხადა, მოქალაქეებს  ID ბარათების აღება შეუძლიათ იუსტიციის სახლის ფილიალებში და სერვისების განვითარების სააგენტოს რეგიონალურ ცენტრებში.

„როგორც მოგეხსენებათ, დღეიდან იუსტიციის მინისტრის ინიციატივით დაიწყო ელექტრონული პირადობის მოწმობის აქცია, რომლის ფარგლებშიც ყველა  მოქალაქეს, რომელსაც უკვე შეუსრულდა 16 წელი და არ ჰქონია ელექტრონული პირადობის მოწმობა, შეუძლია მოგვართოს და სრულიად უფასოდ ის აიღებს ID  ბარათს. მოქალაქეებს შეუძლიათ მოგვმართონ იუსტიციის სახლის ფილიალებში, აგრეთვე სერვისების განვითარების სააგენტოს რეგიონალურ ცენტრებში. აქცია გაგრძელდება 20 ივნისამდე. ეს აქცია ამ ეტაპზე არის ერთჯერადი ორი წლის განმავლობაში, მაგრამ ეს არ არის პირველი აქცია, ანალოგიური აქციები ჩვენ გვქონდა შარშანაც და ეს აქციები ძირითადად ემსახურება საარჩევნო სიების მოწესრიგებას  და აგრეთვე მონაცემთა ბაზის მოწესრიგებას“,-აღნიშნა ტაბიძემ.

ამასთან, სერვისების განვითარების სააგენტოს თავმჯდომარემ  შიო ხეცურიანმა დასძინა, რომ აღნიშნული   აქციის ერთ-ერთი მთავარი მიზანი საარჩევნო სიის დახვეწა და გაბარათიანებაა.

აქციის ფარგლებში, მოქალაქე გათავისუფლდება პირადობის მოწმობის საფასურისგან, ფოტოსურათის გადაღებისა და ბანკის მოსაკრებლისგან.

დაკარგული ან დაზიანებული მოწმობის ნაცვლად, ახალი პირადობა უფასოდ არ გაიცემა.

აღსანიშნავია, რომ მოქალაქეთა გაბარათიანება ხელს უწყობს მონაცემთა ბაზების დახვეწას და საარჩევნო სიების სრულყოფას.

შეგახსენებთ, რომ აქციის თაობაზე დამატებიტი ინფორმაციის მიღება შესაძლებელია სერვისების განვიტარების სააგენტოსა (sda.gov.ge)  და იუსტიციის სახლის ვე-გვერდზე (psh.gov.ge); ასევე, skype-მისამართზე (sda.ge) და ტელეფონის ნომრებზე -2 405 405 და 240 10 10.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპსა და ზელენსკის შეხვედრის შემდეგ, შესაძლოა Patriot-ის წარმოების ლიცენზია უკრაინას გადაეცეს

აშშ-ის სანქციების გამო, თურქეთმა ირანთან საავიაციო და საბანკო ურთიერთობების გაწყვეტა დაიწყო

ევროკავშირმა, საფრანგეთისა და ლუქსემბურგის ზეწოლის ქვეშ, უსმანოვისა და ფრიდმანის წინააღმდეგ სანქციები მოხსნა

გერმანიაში, ამერიკულ საჰაერო ბაზაზე თვითმფრინავი ჩამოვარდა, პილოტი კატაპულტირების შემდეგ გადარჩა