სერგო რატიანი ირაკლი კობახიძეს თანამდებობიდან გადადგომას ურჩევს - „ის საზოგადოებას ატყუებდა“

2017-06-20 15:34:43, 635 ნახვა

"ევროპული საქართველოს" წევრი სერგო რატიანი პარლამენტის თავმჯდომარეს, ირაკლი კობახიძეს თანამდებობიდან გადადგომას ურჩევს.

როგორც რატიანმა აღნიშნა, ბოლო თვეების განმავლობაში რაზეც საუბრობდა საპარლამენტო უმრავლესობა ტყუილი აღმოჩნდა.

"პარლამენტის თავმჯდომარეს ვურჩევდი, რომ საკუთარი რეპუტაციის შესანარჩუნებლად გადამდგარიყო ამ თანამდებობიდან. ამ თვეების განმავლობაში, რაზეც საუბრობდა "ქართული ოცნება", კონკრეტულად პარლამენტის თავმჯდომარე აღმოჩნდა ტყუილი. გუშინდელი განცხადების შემდეგ დადასტურდა, რომ საარჩევნო კოდექსი ფაქტობრივად არ იცვლება შემდგომი არჩევნებისთვის. გამოდის რომ ამ თვეებს განმავლობაში, ის ატყუებდა საზოგადოებას. ვენეციის დასკვნა უკვე არაფერ შუაშია", - განაცხადა სერგო რატიანმა.

შეგახსენებთ, რომ გუშინ ვენეციის კომისიამ საქართველოს კონსტიტუციის პროექტთან დაკავშირებიტ დასკვნა გამოაქვეყნა. დასკვნაში საუბარი ქორწინების დეფინიციას, პრეზიდენტის არჩევისს წესს, საარჩევნო ბარიერს და სხვა ცვლილებებს ეხებოდა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან