2017-06-16 19:36:38, 2143 ნახვა

---

მაჭავარიანი გოცირიძეს: ისე არ ეყოფოდათ ვითომ „ნაციონალებს“ თავისი უმსგავსობა, თქვენ რომ არ დამატებოდით ჯოჯოხეთის მუგუზალივით

საპარლამენტო უმრავლესობის წევრმა ენძელა მაჭავარიანმა „ნაციონალური მოძრაობის“ წევრის რომან გოცირიძის საზოგადოებრივი მაუწყებლის მიმართ გამოთქმულ კრიტიკას უპასუხა, რომელიც „ჯიდიესიდან“ თანამშრომლების გადაყვანასა და მაუწყებლის ერთპარტიულ ტელევიზიად ქცევას ეხებოდა.

მისი თქმით, „ჯიდიესის“ ჟურნალისტები თავის საქმეს ღირსეულად   ასრულებენ  და თავისუფალ სიტყვას ყოველთვის დაიცავს.

ამასთან, მაჭავარიანმა აღნიშნა, რომ გიორგი გვახარიას გადაცემა მისთვის ერთ-ერთი ეტალონი გადაცემაა და მიესალმება, თუ ის არ დაიხურება:

 „თქვენთვის ნორმალური სიტყვა კიარა,  გადასარევი ეპითეტია, ბატონო რომან, თქვენ რომ ვინმემ ქლიავი გითხრათ, მაგრამ იმისთვის შეურაცხყოფაა. მე მართლა ლეიტენანტი ვარ და ეს ჩინი ჩემი სამშობლოს ჯარში ყოფნის დროს მივიღე და რომან გოცირიძე ჯარშიც არ არის ნამყოფი. პლუს მაგას თქვენ დესანტზე წარმოდგენა რომ გქონდეთ, ჩემხელა ხალხს დესანტად არ არჩევენ, დესანტს თქვენ უფრო გავხართ ერთი კაცი ხართ გადმოსხმული ამ პარლამენტში. მინდა, ისევ მხარდაჭერა გამოვუცხადო საზოგადოებრივ მაუწყებელს, შედარება არ შეიძლება იმ მაუწყებელთან, რომელიც გვქონდა „ნაციონალური მოძრაობის“ პერიოდში. ბატონო რომან, თქვენ იცით რატომ ხართ სხვა ახალ „ნაციონალებზე“ უფრო საშიში? თქვენ ჩემი ეროვნული მოძრაობის სახელით მოხვედით ხელისუფლებაში, მოგვატყუეთ ხალხი, გაძარცვეთ ქვეყანა და ახლა კიდევ „ნაცების“ სახელით, ისე არ ეყოფოდათ ვითომ თავისი უმსგავსობა თქვენ რომ არ დამატებოდით  ჯოჯოხეთის მუგუზალივით, ახლა კიდევ ხელისუფლებაში რომ გინდათ ყოფნა, იმასაც კადრულობთ, რომ „ნაცებთან“ იჯდეთ დღეს პარლამენტში. თქვენზე მეტს აღარაფერს ვიტყვი ოქროს გვირგვინიც რომ დამადგათ თავზე ლეიტენანტის ვარსკვლავი კიარა. მინდა, წარმატებები  ვუსურვო „საზოგადოებრივ მაუწყებელს“ და გითხრათ, რომ ია ანთაძე არ მუშაობდა „ჯიდიესში“, ის იყო ისევე ხელშეკრულებით, როგორც სალომე ასათიანია პირველ არხზე. ვინც მუშაობს „ჯიდიესიდან“,  არის ღირსეული ხალხი, ჟურნალისტები, სადაც არიან, ყოველთვის გააკეთებენ თავისი ქვეყნის საქმეს და მე ყოველთვის ვიდგები მათ გვერდით. ბატონმა სერგომ მითხრა, შენც ხომ არ აპირებ გადასვლასო იქ, თუ ამის შესაძლებლობა იქნება, დიდი სიამოვნებით, იმ  ხალხის გვერდით ყოველთვის ვიქნები და ყოველთვის დავიცავ თავისუფალ სიტყვას. ისევე როგორც, გიორგი გახარიას გადაცემა არის ჩემთვის ერთ-ერთი ეტალონი გადაცემა“,-აღნიშნა მაჭავარიანმა.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი