ე.წ. მოდულის შენობასთან „ერთიანი ნაციონალური მოძრაობის“ ინიციატივით, აქცია „თანადგომა პოლიციას“ გაიმართა.

მცირერიცხვოვან აქციას მოქალაქეებთან ერთად, „ნაციონალური მოძრაობის“ წევრი ნიკა მელია შეუერთდა და მათ ბოძებზე ერთად გააკრეს ლოზუნგი, წარწერით - „თანადგომა პოლიციას“.

როგორც მელიამ ჟურნალისტებს განუცხადა, აუცილებელია მოხდეს უსამართლოდ დაკავებული ყოფილი პოლიციელის და სპეცრაზმელის, კახაბერ ნაკანის გადაყვანა შესაბამის დაწესებულებაში.

„როცა ხელისუფლება პოლიტიკური მოტივებით დევნით არის დაკავებული და კრიმინალთან ბრძოლა მიივიწყა, კავშირშია მასთან, უფრო მეტიც სამწუხაროდ, ხშირად მფარველობს მას. ასეთ დროს ჩვენ გვინდა სოლიდარობა გამოვუცხადოთ რიგით პოლიციელებს, რომლებიც ბრძოლის წინა ხაზზე დგანან. დგანან, თუმცა აბსოლუტურად ზურგშექცეულები არიან მთავრობის მხრიდან. პოლიციელმა მნიშვნელოვანია იგრძნოს მხარდაჭერა საზოგადოებისგან. სწორედ დღევანდელი აქცია თბილისის და რამდენიმე ქალაქის მასშტაბით, აი ამ დატვირთვის მატარებელია. აუცილებელია ასევე მოხდეს უსამართლოდ დაკავებული ყოფილი პოლიციელის და სპეცრაზმელის, კახაბერ ნაკანის გადაყვანა შესაბამის სასჯელაღსრულების დაწესებულებაში, სადაც ნორმალური პირობები იქნება“, - განაცხადა ნიკა მელიამ.

ამ დროისთვის აქცია დასრულებულია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს