რეპერი გიორგი პავლიაშვილი, იგივე „მასტერი“, არ გამორიცხავს, რომ პოლიციელის როლის შემსრულებელის, გიორგი გაგუას მიმართ ზეწოლა განხორციელებულიყო.

როგორც მან თბილისის სააპელაციო სასამართლოში ჟურნალისტებს განუცხადა, ზეწოლის თაობაზე ეჭვს უჩენს ის, რომ პოლიციელის როლში მყოფმა სრული აბსურდი ილაპარაკა.

„არ ვიცი მასზე განხორციელდა თუ არა ზეწოლა, მაგრამ საეჭვოა, ისე საუბრობს. მე რომ ვნახე ვიდეო, საეჭვო იყო. არ გამოვრიცხავ, ზეწოლას ჰქონოდა ადგილი იმიტომ, რომ სრული აბსურდი ილაპარაკა. თქვა, რომ არ იცოდა მუსიკალურ კლიპს თუ იღებდნენ და ეგონა, რომ თავისთვის იღებდნენ ვიდეოს“,-განაცხადა „მასტერმა“.

მისივე ინფორმაციით, „ბირჟა მაფიას“ წევრების დაკავებამდე მოხდა კლიპის დაბლარვა იმის გამო, რომ შინაგან საქმეთა სამინისტრო  გაღიზიანდა.

„ წინა ღამით, სანამ ბიჭებს დაიჭერდნენ, ქებურიამ მომწერა მესიჯი, მე მგონი შსს მაგრად გაღიზიანდაო და აქედან გამომდინარე კლიპი დავბლარეთო. „აჭარა ნეტს“ დაურეკესო, ვკითხე „აჭარა ნეტი“  რა შუაშია-მეთქი და მითხრა,  მაგათ გადაიღეს კლიპიო“,-განაცხადა „მასტერმა“.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გარდაიცვალა პუტინისტი და უკრაინული შოუ „X-ფაქტორის“ ყოფილი მოსამართლე სერგეი სოსედოვი

ირანის საგარეო საქმეთა მინისტრმა ევროპა გააფრთხილა აშშ-სა და ისრაელის მხარდაჭერის შედეგების შესახებ

ზელენსკიმ გაეროს გენერალური ასამბლეის ტრიბუნიდან რუსეთს ენერგეტიკულ სექტორზე საპასუხო დარტყმებით დაემუქრა

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს