საქართველოს საპატრიარქო  მამა მიქაელ ბოტკოველის განცხადების არასწორ ინტერპრეტაციაზე საუბრობს. როგორც მამა ბიძინა გუნიამ მედიის წარმომადგენლებს განუცხადა, სირიასა და ერაყში მიმდინარე ტრაგიკულ მოვლენებთან დაკავშირებით მასმედიაში გავრცელდა სრულიად საქართველოს კათოლიკოს-პატრიარქის მდივნის კომენტარი, რომელიც შეგნებულად არის დამახინჯებული და ეკლესიის დისკრედიტაციას ისახავს მიზნად.
 საპატრიარქოში აცხადებენ, რომ ამ პრობლემის მოგვარებით  წლებია დაინტერესებული არიან და მას შემდეგ, რაც სახელმწიფო გარკვეულ ზომებს მიიღებს, მათი ჩართულობა მაქსიმალური იქნება.
 "სირიასა და ერაყში მიმდინარე ტრაგიკულ მოვლენებთან დაკავშირებით მასმედიაში გავრცელდა სრულიად საქართველოს კათოლიკოს-პატრიარქის მდივნის კომენტარი, რომელიც შეგნებულად არის დამახინჯებული და ეკლესიის დისკრედიტაციას ისახავს მიზნად. ამის შესახებ მამა მიქაელმა გუშინ განაცხადა.
ამჯერად კი შევნიშნავთ, რომ მაშინ, როდესაც საქართველოს საპატრიარქო ყოველთვის გამოთქვამს თავის უარყოფით დამოკიდებულებას ტერორიზმის, მკვლელობების, უზნეობისა და ძალადობის წინააღმდეგ, როდესაც ეკლესიამ მუჰამედის და საერთოდ, მუსლიმთა შეურაცხმყოფელი კარიკატურების გამო  ჯერ კიდევ იმ დროს დააფიქსირა თავისი მკვეთრად უარყოფითი პოზიცია, როცა ძალზე ცოტა ქომაგი ჰყავდა ამ საქმეს, განა შეიძლება საქართველოს საპატრიარქოსათვის სულ ერთი იყოს ახლო აღმოსავლეთის ზემოაღნიშნულ ქვეყნებში მოქალაქეთა და, მითუმეტეს, ქრისტიანთა ტანჯვისა და წამების ფაქტები?!
ჩვენი მასმედიისათვის ახლა გახდა ეს თემა საინტერესო; ამ პრობლემის შესახებ კი,  საქართველოს ეკლესიის მხრიდან და სხვა ეკლესიების მხრიდანაც არაერთხელ აღინიშნა საერთაშორისო შეხვედრებზე. ქანდელი ასირიელი მორწმუნენი თანადგომის ნიშნად თვენახევრის წინ მიიღეს და დალოცეს სამების საკათედრო ტაძარში. ა.წ.  19 აპრილსაც, კვირაცხოვლობას,  სამების საკათედრო ტაძარში და საქართველოს  ყველა ეკლესიაში აღევლინება ლოცვა როგორც მართლმადიდებელ გარდაცვლილთა სულების საოხად, ისე მშვიდობისათვის აღნიშნულ  რეგიონში.ყველას ვთქხოვთ, იყვნენ უფრო კორექტულნი და წინდახედულნი, მით უმეტეს, როდესაც ასეთ ფაქიზ თემებს ეხებიან",-განაცხადა მამა ბიძინა გუნიამ.
ცნობისთვის,  სააგენტო "ექსპრენსიუსს" ასირიელ ქრისტიანებთან დაკავშირებით საპატრიარქოს პოზიციის გაგება სურდა, რის გამოც გუშინ მამა მიქაელ ბოტკოველს დაუკავშირდა, თუმცა მან განაცხადა, რომ "საპატრიარქოში არდადეგებია, ის შვებულებაში იმყოფება და საკუთარ პოზიციას ვერ დააფიქსირებს".

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს