ზუგდიდის გამგებელმა უჩაშონას გზაზე მიმდინარე სამუშაოები დაათვალიერა

2015-04-17 16:00:30, 791 ნახვა

საზოგადოება

ზუგდიდის მუნიციპალიტეტის უჩაშონას ტერიტორიულ ერთეულში ავარიული საავტომობილო გზის რეაბილიტაციის პროცესი გრძელდება.

სამუშაოების შესრულების პროცესს დღეს ზუგდიდის მუნიციპალიტეტის გამგებელი ედიშერ თოლორაია ესწრებოდა.

ზუგდიდის გამგეობის ინფორმაციით, ამ ეტაპზე მიმდინარეობს ასფალტო - ბეტონის საფარის პირველი ფენის დაგება. სარეაბილიტაციო გზის სიგრძე შეადგენს 8638 კვ.მ. პროექტის დასრულების შემდეგ ამ გზით 670 სოფლის მკვიდრი და არაპირდაპირი გზით კი 3000- მდე ბენეფიციარი ისარგებლებს.

„აღნიშნული გზის რეაბილიტაციის შემდეგ ამ გზით მოსარგებლეების გადაადგილება გახდება უსაფრთხო, გაუმჯობესდება მათი სოციალური მდგომარეობა და პროექტის განხორციელებისას დასაქმდება ადგილობრივი მოსახლეობა“, - აცხადებენ ზუგდიდის გამგეობაში.

პროექტის ღირებულება 482.000 ლარს შეადგენს. სამუშაოები 10 დღეში დასრულდება.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან